ہرارے: پاکستان، آسٹریلیا اور زمبابوے پر مشتمل سہ فریقی ٹی ٹوئنٹی سیریز کے لیے شیڈول کا باقاعدہ اعلان کر دیا گیا ہے۔
تفصیلات کے سہ فریقی سیریز رواں سال یکم جولائی سے زمباوبے کے دار الحکومت ہرارے میں شروع ہوگی، ٹورنامنٹ کا افتتاحی میچ پاکستان اور زمبابوے کے درمیان کھیلا جائے گا، تینوں ٹیمیں ایک دوسرے کے خلاف دو دو میچز کھیلیں گے۔
ٹاپ ٹو ٹیموں کے درمیان فائنل آٹھ جولائی کو کھیلا جائے گا، سہ فریقی سیریز کے بعد پاکستان اور زمبابوے کے درمیان پانچ میچوں کی ون ڈے سیریز بھی کھیلی جائے گی۔
پاکستان سے نہ کھیلنے کی ضد، بھارت ایشیا کپ کی میزبانی سے محروم
خیال رہے کہ سہ فریقی ٹورنامنٹ سے قبل گرین شرٹس آئرلینڈ اور انگلینڈ کے خلاف ایکشن میں نظر آئیں گے۔ قومی کرکٹ ٹیم اس دورے سے قبل اپنے اہم ترین کھلاڑی لیگ اسپنر یاسر شاہ کی خدمات سے محروم ہوگئی ہے، یاسر شاہ فٹنس ٹیسٹ میں بھی شرکت نہیں کریں گے، یاسر شاہ کی گروئن میں فریکچر بتایا گیا ہے اور انہیں فٹ ہونے کے لیے کئی ہفتے درکار ہیں۔
دورہ آئر لینڈ اور انگلینڈ سے قبل قومی ٹیم کو دھچکا، یاسر شاہ ان فٹ ہوگئے
یہ بھی یاد رہے کہ آج ملائیشیا کے دار الحکومت کوالامپور میں ایشین کرکٹ کونسل کا سالانہ اجلاس چیئرمین نجم سیٹھی کی صدارت ہوا جس میں پاکستان کی جانب سے تحفظات پر ایشیا کپ کی میزبانی بھارت کے بجائے متحدہ عرب امارات کو سونپ دی گئی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
