The news is by your side.

سو دن میں 70 کروڑ روپے کے فنڈز جاری کیے گئے: بیت المال

اسلام آباد: پاکستان بیت المال نے بھی 100 دن کی کارکردگی کی رپورٹ جاری کر دی، ترجمان کا کہنا ہے کہ سو دن میں 70 کروڑ روپے کے فنڈز جاری کیے گئے۔

تفصیلات کے مطابق پاکستان تحریکِ انصاف کی حکومت کے ابتدائی سو دن پورے ہونے پر پاکستان بیت المال کی طرف سے سو دن کی کارکردگی رپورٹ جاری کر دی گئی ہے۔

ملک بھر میں 26 نئے سوئٹ ہومز کی بنیاد بھی رکھی گئی ہے، سوئٹ ہومز میں یتیم بچوں کی کفالت کی جائے گی۔

ترجمان بیت المال

بیت المال کا کہنا ہے کہ کینسر، گردہ، دل اور تھیلیسیمیا کے مریضوں کو فنڈز جاری کیے گئے ہیں، ملک بھر سے 542 مستحق طلبا کو وظائف بھی جاری کیے گئے۔

ترجمان بیت المال نے بتایا کہ وظائف کا اجرا یونی ورسٹی سطح تک کے طالب علموں کو کیا گیا ہے، 214 معذور افراد کے علاج کے لیے بھی 82 لاکھ کے فنڈز جاری کیے گئے۔

بیت المال کے ترجمان کے مطابق ملک بھر میں 26 نئے سوئٹ ہومز کی بنیاد بھی رکھی گئی ہے، سوئٹ ہومز میں یتیم بچوں کی کفالت کی جائے گی۔

ترجمان بیت المال نے کہا کہ جنوبی پنجاب میں بیت المال کا دفتر قائم کیا جا رہا ہے، اور ملک میں تھیلیسیمیا کے 6 نئے سینٹرز بھی قائم کیے جائیں گے۔


یہ بھی پڑھیں:  حکومت کی 100 روزہ کارکردگی، مفصل رپورٹ


خیال رہے آج پی ٹی آئی حکومت کے ابتدائی سو دن کی تقریب منعقد کی گئی، جس میں حکومتی وزرا نے خطاب کیا اور قوم کو حکومتی کارکردگی کے حوالے سے تفصیلات بتائیں۔

وزیرِ اعظم عمران خان نے خطاب میں کہا کہ حکومت 40 لاکھ بچوں کو وہ غذا دے گی جس سے ان کی نشو نما ہو، زچہ بچہ کے لیے تین سال اسپیشل غذائی پروگرام شروع کیا جائے گا اور غریبوں کے لیے 5 ارب روپے سے گھر بنائیں گے۔

Comments

یہ بھی پڑھیں