کراچی : پاکستان میں کسی بھی بینک کے دیوالیہ ہونے کی صورت میں کتنے ڈپازٹر محفوظ ہیں؟ اس حوالے سے رپورٹ جاری کردی گئی۔
تفصیلات کے مطابق ڈپازٹ پروٹیکشن کارپوریشن نے سالانہ رپورٹ برائے مالی سال 2023-24ء جاری کردی ، مالی سال 2023-24ء کی ڈی پی سی کی سالانہ رپورٹ میں 30 جون 2024ء تک شیڈول بینکوں کے ڈپازٹرز کی تعداد 7 کروڑ 92 لاکھ ہے۔
سالانہ رپورٹ میں کہنا تھا کہ جن میں سے 7 کروڑ 80 لاکھ ڈپازٹرز تلافی کی وصولی کے اہل ہیں، ان کے ڈپازٹس کو کارپوریشن کی وضع کردہ حد تک تحفظ حاصل ہے۔
بینک اکاونٹ میں کتنی رقم قانونی طور پر محفوظ ہے؟ پاکستانی جان لیں
رپورٹ میں ڈپازٹ کے تحفظ کے لیے مجموعی طور پر 148 ارب روپے ہے، یہ رقم ڈی کسی رکن بینک کی غیر متوقع نادہندگی کی صورت میں اہل ڈپازٹرز کو ہونے والے نقصانات کے ازالے کی لیے رکھی گئی ہے۔
ڈی پی سی کا قیام ڈپازٹ پروٹیکشن کارپوریشن ایکٹ 2016ء کے تحت عمل میں آیا، جو اسٹیٹ بینک کے ماتحت ادارے کے طور پر کام کرتا ہے۔
اس کا مقصد کسی بینک کے دیوالیہ ہونے کی غیر متوقع صورت میں اس کے ڈپازٹرز کے نقصان کی تلافی کرنا ہے، بشرطیکہ دیوالیہ ہونے کی تصدیق اسٹیٹ بینک کی جانب سے کی جائے۔
