ایشیا کپ کے پہلے میچ میں پاکستان نے نیپال کو 238 رنز کے بھاری مارجن سے شکست دے دی۔
ملتان میں کھیلے گئے ایشیا کپ کے پہلے میچ میں نیپال کی ٹیم پاکستان کی جانب سے دیے گئے 343 رنز کے تعاقب میں 23.4 اوورز میں 104 رنز پر ڈھیر ہوگئی۔
سومپال کامی 28 رنز بنا کر نمایاں رہے، عارف شیخ نے 26 رنز بنائے۔
کپتان روہت پوڈیل بغیر کوئی رن بنائے شاہین شاہ آفریدی کا نشانہ بنے، گلشن جھا نے 13 رنز بنائے۔
4️⃣th wicket falls as @HarisRauf14 joins @iShaheenAfridi and @iNaseemShah among the wickets ☄️
Nepal are 76-4 after 15 overs.#PAKvNEP | #AsiaCup2023 pic.twitter.com/DjjVkxGGwf
— Pakistan Cricket (@TheRealPCB) August 30, 2023
پاکستان کی جانب سے شاداب خان نے چار کھلاڑیوں کو پویلین کی راہ دکھائی، حارث رؤف اور شاہین آفریدی نے دو، دو وکٹیں حاصل کیں۔
اس سے قبل پاکستان نے مقررہ اوورز میں 6 وکٹوں کے نقصان پر 342 رنز بنائے اور نیپال کو جیت کے لیے 343 رنز کا ہدف دیا تھا۔
بابر اعظم نے کیریئر کی 19ویں سنچری اسکور کرتے ہوئے 131 گیندوں پر 151 رنز کی شاندار اننگز کھیلی، افتخار احمد نے بھی 71 گیندوں پر 109 رنز بنائے۔
@babarazam258 notches up his second score of 1️⃣5️⃣0️⃣ in ODIs #PAKvNEP | #AsiaCup2023 pic.twitter.com/vGIP7bhcdp
— Pakistan Cricket (@TheRealPCB) August 30, 2023
افتخار احمد نے ون ڈے کیریئر کی پہلی سنچری اسکور کی۔
6️⃣7️⃣-ball – 3️⃣rd fastest century in ODIs in Pakistan
A special maiden ODI hundred for @IftiMania #PAKvNEP | #AsiaCup2023 pic.twitter.com/GfdlPTS3j4
— Pakistan Cricket (@TheRealPCB) August 30, 2023
پاکستان کی ابتدائی دو وکٹیں 25 رنز پر گری تھیں جب امام الحق 5 اور افتخار احمد 14 رنز بنا کر پویلین لوٹ گئے تھے۔
محمد رضوان نے 44 رنز بنائے، آغا سلمان 5 اور شاداب خان 4 رنز بنا کر آؤٹ ہوئے۔
نیپال کی جانب سے سومپال کامی نے 2 وکٹیں حاصل کیں، کرن کے سی اور سندیپ لمی چانے ایک، ایک وکٹ حاصل کرسکے۔
At the halfway mark, Pakistan are 116-3.@iMRizwanPak departs after a well-crafted 44 while skipper @babarazam258 is joined by @SalmanAliAgha1 in the middle #PAKvNEP | #AsiaCup2023 pic.twitter.com/PDLmVmkBVm
— Pakistan Cricket (@TheRealPCB) August 30, 2023
اس سے قبل ملتان میں ہونے والے ایشیا کپ 2023 کے افتتاحی میچ میں پاکستان نے نیپال کے خلاف ٹاس جیت کر بیٹنگ کا فیصلہ کیاتھا۔
ایشیا کپ کے پہلے میچ کیلئے پاکستان نے نیپال کیخلاف پلیئنگ الیون کا اعلان گزشتہ شب کیا، ٹیم میں تین تبدیلیاں کی گئیں ہیں۔
سعود شکیل ، وسیم جونیئر اور آل راؤنڈر فہیم اشرف کی جگہ افتخار احمد، حارث رؤف اور نسیم شاہ کو کھلانے کا فیصلہ کیا گیا ہے۔
اس کے علاوہ پاکستانی ٹیم میں کپتان بابر اعظم، نائب کپتان شاداب خان، فخر زمان، امام الحق، محمد رضوان، آغا سلمان، اور شاہین شاہ آفریدی ٹیم کا حصہ ہیں۔
T O S S A L E R T
Pakistan win the toss and elect to bat first #PAKvNEP | #AsiaCup2023 pic.twitter.com/iuuZfKfQv1
— Pakistan Cricket (@TheRealPCB) August 30, 2023
نیپال کی ٹیم میں کپتان روہت کمار، کوشال بھرٹیل، آصف شیخ، کوشال ملا، دپیندرا سنگھ، گلشن جھا، سومپل کامی
کرن کھتری، سندیپ لمیچانے اور للت راجبنشی ٹیم کا حصہ ہیں۔
ٹاس کے موقع پر بابر اعظم نے گفتگو کرتے ہوئے کہا کہ عالمی نمبر ایک ہونے کا دباؤ نہیں، اپنی کرکٹ انجوائے کریں گے، کوشش کریں گے ایونٹ میں اچھی کرکٹ کھیلیں۔
دوسری جانب نیپالی کپتان روہت کمار نے کہا کہ ہمارے تمام کھلاڑی بہت خوش ہیں، ہماری ٹیم پہلی بار ایشیاکپ کھیل رہی ہے، وکٹ بیٹنگ کیلئے اچھی لگ رہی ہے۔
