اسلام آباد : تل کے بیجوں کی برآمدات میں اضافے کے بعد پاکستان دنیا کا تیسرا بڑا برآمد کنندہ بن گیا، جس سے پاکستان کا زرعی شعبہ مستحکم ہوا ہے۔
تفصیلات کے مطابق ایس آئی ایف سی کی سہولت کاری سے زرعی شعبہ استحکام کی جانب گامزن ہے۔
ایس آئی ایف سی کے تعاون سے پاکستانی تل کے بیجوں کی عالمی سطح پر تشہیر کیلئے وزارت تجارت کا فعال کردار ہے۔
تل کے بیجوں کی برآمدات میں 366 فیصد اضافہ ہوا، جس کے بعد پاکستان دنیا کا تیسرا بڑا برآمد کنندہ بن گیا۔
تل کے بیجوں کی سالانہ برآمدات 1 ارب ڈالر سے تجاوز کر گئیں، جس سے پاکستان کا زرعی شعبہ مستحکم ہوا ہے۔
تل کے بیجوں کی پیداوار 455 فیصد اضافے کے ساتھ سالانہ 1.119ملین ٹن تک پہنچ گئی ہے، تل کے بیجوں کی برآمدات میں اضافہ پاکستان کی معیشت کو مستحکم اور درآمدات کم کرنے میں معاون ثابت ہوگا۔
وفاقی وزیر برا ئے نیشنل فوڈ سیکیورٹی رانا تنویر حسین کا کہنا ہے کہ تلوں کی پیداوار نے پاکستان کی معیشت کو نئی رفتار دی ، تلوں کی پروسیسنگ ٹیکنالوجیز میں بہتری سے مصنوعات کی معیاری پیداوار میں مزید اضافہ متوقع ہے۔
ایس آئی ایف سی کی معاونت سے حکومت تلوں کی پیداوار اور مارکیٹ تک رسائی میں مزید اضافے کے لیے پر عزم ہیں۔
