پیر, مئی 20, 2024
اشتہار

پاکستان کی آئی ایم ایف سے بڑے اور طویل قرض پروگرام لینے کی تیاریاں مکمل

اشتہار

حیرت انگیز

اسلام آباد : پاکستان نے آئی ایم ایف سے بڑے اور طویل قرض پروگرام کی تیاریاں مکمل کرلیں، آئی ایم ایف سے 2 قرض پروگرام لینے کے لیے کوششیں کی جائے گی۔

تفصیلات کے مطابق آئی ایم ایف سے سب بڑے اور طویل قرض پروگرام کے معاملے پر پاکستان 6سے 8 ارب ڈالر 3سے 4 سال کےقرض پروگرام کی کوشش کرےگا۔

ذرائع نے بتایا ہے کہ پاکستان آئی ایم ایف سے 2قرض پروگرام لینے کےلیے کوششیں کرے گا، جس کے لئے پاکستان نے نئے قرض پروگرام تحریری دستاویز تیار کرلیں۔

- Advertisement -

ذرائع وزارت خزانہ کا کہنا تھا کہ ایم ڈی آئی ایم ایف سے ملاقات کے دوران وزیرخزانہ 2 درخواستیں دیں گے، آئی ایم ایف سے ایکسٹینڈڈ فنڈ فیسلیٹی کیلئے پہلی درخواست دی جائے گی جبکہ سیلاب کےنقصان کےبعدازسرنو تعمیرات کیلئےاضافی فنڈ پروگرام کی کوشش بھی کی جائے گی۔

ذرائع نے کہا کہ موسمیاتی تبدیلیوں سےنمٹنے کیلئے اقدامات، مختص بجٹ پربریفنگ تیار کی گئی، گورنراسٹیٹ بینک ، سیکریٹری خزانہ آئی ایم ایف حکام کومعاشی کارکردگی سے آگاہ کریں گے، مثبت بات چیت کے نتیجے میں آئی ایم ایف مشن مذاکرات کیلئے آئندہ ماہ پاکستان پہنچ جائے گا۔

ذرائع کے مطابق مشن نئےقرض پروگرام ،آئندہ بجٹ کی تیاری میں معاشی ٹیم کیساتھ کام کرےگا جبکہ عالمی بینک حکام سےبھی ملاقات کےدوران فنانسنگ بڑھانے کیلئے معاشی ٹیم بات کرے گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں