نیویارک : وزیرمملکت پٹرولیم مصدق ملک کا کہنا ہے کہ جہاں سے سستا تیل ملے گا وہاں سے خریدیں گے۔
تفصیلات کے مطابق وزیرمملکت پٹرولیم مصدق ملک نے امریکہ کےدورے پر گفتگو کرتے ہوئے کہا کہ جہاں سےتوانائی کے سستے ذرائع ملیں گے ہم وہاں جائیں گے اور خریدیں گے۔
وزیر مملکت کا کہنا تھا کہ پاکستان نے بڑے معاشی بحران سے نمٹنے کیلئے روس سے تیل خریدنا شروع کیا، پاکستان کا مستقبل خاص طور پر متبادل گرین انرجی پرمنحصر ہے۔
مصدق ملک نے بتایا کہ پاکستان نے پہلا تیل کا آرڈر کر دیا، اندازہ لگانا ہے کہ مستقبل میں کتنی درآمد کرنی ہے، دیکھیں گے کہ ہم اپنے پورٹ فولیو کے کس حصے کیلئے روسی تیل استعمال کر سکتے ہیں۔
ان کا مزید کہنا تھا کہ پاکستان دنیا کا پانچواں سب سے زیادہ آبادی والا ملک ہے، تیل کی قلت کا سامنا کرتا ہے، پاکستان 84 فیصد تیل کی ضرورت سعودی عرب اور متحدہ عرب امارات سے پوری کرتا ہے۔
