The news is by your side.

Advertisement

پاکستان میں کورونا کےتیز وار، کیسز کی تعداد 24000 سے تجاوز، اموات 564 ہوگئی

اسلام آباد : پاکستان میں کورونا وائرس کےتیزی سے وارجاری ہے ، مزید 38 افراد جان کی بازی ہار گئے اور اموات کی کل تعداد 564 ہوگئی جبکہ کورونا کیسزکی کل تعداد 24 ہزار سے تجاوز کرگئی۔

تفصیلات کے مطابق پاکستان میں کوروناوائرس کےحملوں میں تیزی آنے لگی، نیشنل کمانڈاینڈآپریشن سینٹر نے کورونا وائرس سے متعلق تازہ اعدادو شمار جاری کر دیئے ہیں، جس میں بتایا گیا کہ ملک بھرمیں اس وقت کوروناوائرس کے 17045 مریض زیرعلاج ہیں، گزشتہ چوبیس گھنٹے کےدوران1ہزار523 نئے کیسز سامنےآئے، جس کے بعد تصدیق شدہ کیسزکی کل تعدادچوبیس ہزارسےتجاوز کر گئی۔

نیشنل کمانڈاینڈآپریشن سینٹر کا کہنا تھا کہ ملک میں 24گھنٹےکےدوران38 اموات رپورٹ ہوئی اور کوروناسےاموات کی تعداد 564 ہوگئی، خیبرپختونخوا میں کورونا وائرس سے سب سے زیادہ 203 اموات ہوئی ہیں،سندھ میں 157، پنجاب میں 175، بلوچستان 22، اسلام آباد 04 اور گلگت بلتستان میں کورونا سے 3 افراد جاں بحق ہوئے۔

اعداد و شمار کے مطابق سندھ میں کورونا کے سب سے زیادہ 8 ہزار 640 کیسز رپورٹ ہوئے ہیں، پنجاب 9 ہزار 77، خیبرپختونخوا 3,712، بلوچستان 1,659، اسلام آباد 521، آزاد کشمیر 76 اورگلگت بلتستان میں 388 افراد میں وائرس کی تصدیق ہوئی ہے۔

نیشنل کمانڈاینڈآپریشن سینٹر کا کہنا ہے کہ گزشتہ 24 گھنٹےمیں 12 ہزار 196 کوروناٹیسٹ کیےگئے اور مجموعی طورپر 2 لاکھ 44 ہزار سے زائدٹیسٹ کیے گئے جبکہ اب تک 6 ہزار 464 چارسو چونسٹھ افراد موذی مرض سے لڑکر صحت یاب ہوچکے ہیں۔

Comments

یہ بھی پڑھیں