پاکستان انڈر 19 ٹیم کی بنگلہ دیش کے خلاف شاندار فتح کا جشن منانے کی ویڈیو وائرل ہوگئی۔
آئی سی سی انڈر 19 ورلڈ کپ کے کوارٹر فائنل میں پاکستان نے بنگلہ دیش کو سنسنی خیز مقابلے کے بعد 5 رنز سے شکست دے کر سیمی فائنل کے لیے کوالیفائی کرلیا، جہاں قومی ٹیم آسٹریلیا سے ٹکرائے گی۔
گرین شرٹس پہلے بیٹنگ کرتے ہوئے 155 رنز پر آل آؤٹ ہوئی اور بنگلہ دیش کو جیت کے لیے 156 رنز کا ہدف دیا جس کے تعاقب میں بنگلہ دیشی ٹیم 35.5 اوورز میں 150 رنز پر ڈھیر ہوگئی۔
پاکستان کی جانب سے فاسٹ بولر نسیم شاہ کے بھائی عبید شاہ نے پانچ کھلاڑیوں کو پویلین کی راہ دکھائی، علی رضا نے تین اور محمد ذیشان نے ایک وکٹ حاصل کی۔
بنگلہ دیش کی آخری وکٹ گرتے ہی قومی کھلاڑیوں کی خوشی دیدنی تھی، ویڈیو میں پاکستانی کھلاڑیوں کو جشن مناتے اور سجیدہ ریز ہوتے دیکھا جاسکتا ہے۔
View this post on Instagram
