اسلام آباد : پاکستان اور چین میں 5 سالہ ٹیکنالوجی و مہارت منتقلی کا تاریخی معاہدہ طے پاگیا، معاہدہ پاکستان کی متعدد صنعتوں کے لئے بے پناہ فوائد فراہم کرے گا۔
تفصیلات کے مطابق ایس آئی ایف سی کے تحت پاک چین صنعتی تعاون میں اہم پیش رفت ہوئی ، پاکستان اور چین میں 5 سالہ ٹیکنالوجی و مہارت منتقلی کا تاریخی معاہدہ ہوگیا۔
دونوں ممالک کی دو اہم تنظیموں کےدرمیان تاریخی معاہدہ طے پایا ، جس کے تحت جوتا سازی، چمڑےاورگارمنٹس شعبے میں جدید مشینری متعارف کرائی جائے گی۔
معاہدےپر پاکستان انڈسٹریل سیونگ مشینزامپورٹرزاینڈڈیلرزایسوسی ایشن اور چینی تنظیم گوانگ ڈونگ شو میکنگ مشینری ایسوسیشن کی جانب سے معاہدے پر دستخط کئے گئے۔
وائس چیئرمین پسمیڈا محمد یاسین نے چین میں عالمی نمائش میں پاکستان کی نمائندگی بھی کی ، محمد یاسین نے کہا کہ معاہدہ پاکستان کی متعدد صنعتوں کے لئے بے پناہ فوائد فراہم کرے گا۔
اعلیٰ سطحی ملاقاتوں میں پاک چین تعاون اور سٹریٹجک ترقی کے مواقع پر بھی تبادلہ خیال کیا گیا۔
ایس آئی ایف سی کے تعاون سے، جدید ٹیکنالوجی سے ہم آہنگ تربیت کے ذریعے پاکستان کی لیبر مارکیٹ میں بہتری کے آثار ہیں۔
