اسلام آباد : پاکستان نے چینی بینکوں کے کنسورشیم کے ساتھ 2.3 بلین ڈالر قرض کے معاہدے پر دستخط کردیے۔
تفصیلات کے مطابق وزیر خزانہ مفتاح اسماعیل نے سماجی رابطے کی ویب سائٹ ٹوئٹر پر چینی کنسورشیم کے ساتھ 2.3 بلین ڈالر قرض کے معاہدے پر دستخط کی تصدیق کرتے ہوئے کہ پاکستان کی جانب سے معاہدے پر گزشتہ روزدستخط کیےگئے، قرض کی رقم کی آمد چند دنوں میں متوقع ہے۔
انہوں نے کہا کہ "ہم اس لین دین میں سہولت فراہم کرنے پر چینی حکومت کا شکریہ ادا کرتے ہیں۔
The Chinese consortium of banks has today signed the RMB 15 billion (~$2.3 billion) loan facility agreement after it was signed by the Pakistani side yesterday. Inflow is expected within a couple of days. We thank the Chinese government for facilitating this transaction.
— Miftah Ismail (@MiftahIsmail) June 22, 2022
یاد رہے پاکستان اور آئی ایم ایف میں قرض پروگرام کیلیے معاملات طے پاگئے ہیں ، وزارت خزانہ کے حکام کا کہنا تھا کہ آئی ایم ایف جلد ہی ایک مسودہ جاری کرے گا جس میں دونوں فریقوں کے درمیان عملے کی سطح کے معاہدے کی تصدیق ہو گی۔
خیال رہے گذشتہ ہفتے چین نے پاکستان کو 2.3 بلین ڈالر رول اوور کے تحت دینے پر رضا مندی ظاہر کی تھی مگر کہا گیا تھا کہ یہ رقم آئی ایم ایف کے معاہدے سے مشروط ہے۔
پہلے مرحلے میں 2.3 بلین ڈالر کے رول اوور کیے جائیں گے اور دوسرے مرحلے میں نومبر یا دسمبر کے آخر تک مزید $2.5 سے $2.8 بلین دیئے جائیں گے۔
