اسلام آباد: پاکستان نے بھارت میں پٹھان کوٹ ایئر بیس پر ہونے والے حملے کی شدید الفاظ میں مذمت کی ہے۔
ترجمان دفتر خارجہ کے مطابق پاکستان بھارت میں پٹھان کوٹ ایئربیس پر ہونے والے حملے کی شدید الفاظ میں مذمت کرتے ہوئے حملے میں ہلاک ہونے والوں کے لواحقین سے دلی ہمدردی کا اظہارکرتے ہیں ۔
ترجمان کا کہنا ہے کہ حالیہ پاک بھارت اعلیٰ سطح کے رابطوں کے بعد دونوں ممالک میں خیرسگالی کے تعلقات پیدا ہوئے ہیں، پاکستان خطے سے دہشت گردی کے مکمل خاتمے کے لئے پرعزم ہے جب کہ بھارت سمیت دیگر ممالک کے ساتھ دہشت گردی کے خاتمے کے لئے مل کر کام کرنے کے لئے تیار ہیں۔
