اسلام آباد: پاکستان نے افغانستان میں امریکا کی جانب سے کیے گئے ڈرون حملے اور اس کے نیتجے میں القاعدہ کے رہنما ایمن الظواہری کی ہلاکت پر ردعمل دے دیا۔
ترجمان دفتر خارجہ عاصم افتخار احمد نے اپنے بیان میں کہا کہ افغانستان میں امریکا کی طرف سے آپریشن پر امریکی حکام کے بیانات دیکھے ہیں، پاکستان دہشت گردی کے خلاف آپریشنز کے ساتھ کھڑا ہے۔
دفتر خارجہ کے ترجمان نے مزید کہا کہ پاکستان دہشت گردی کی ہر صورت کی مذمت کرتا ہے، دہشت گردی کے خلاف جنگ میں پاکستان کی قربانیاں کسی سے پوشیدہ نہیں۔
🔊: PR NO. 3️⃣4️⃣9️⃣/2️⃣0️⃣2️⃣2️⃣
Press Release
🔗⬇️https://t.co/78DoyB883I pic.twitter.com/onI7o92Lfk
— Spokesperson 🇵🇰 MoFA (@ForeignOfficePk) August 2, 2022
واضح رہے کہ آج امریکی صدر جوبائیڈن نے پریس بریفنگ میں بتایا کہ امریکا نے افغانستان میں اہم کارروائی کرتے ہوئے القاعدہ کے رہنما ایمن الظواہری کو ہلاک کر دیا، انہیں ڈرون حملے میں مارا گیا۔
جوبائیڈن نے کہا: ’ڈرون حملے میں کسی عام شہری کی ہلاکت نہیں ہوئی، ہم نے القاعدہ کو مکمل طور پر ختم کر دیا، ایمن الظواہری نائن الیون حملے کی منصوبہ بندی میں شامل تھا، رواں سال انٹیلیجنس ایجنسیوں نے ایمن الظواہری کی موجودگی کا پتا چلایا تھا‘۔
افغانستان حکومت کے ترجمان ذبیح اللہ مجاہد نے بھی امریکی ڈرون حملے میں القاعدہ رہنما کی ہالکت کی تصدیق کی تھی۔
