The news is by your side.

Advertisement

چینی بحریہ کے سربراہ ایڈمرل ووشینگلی کیلئے نشان امتیاز ملٹری

کراچی: پاکستان کی جانب سے چینی بحریہ کے سربراہ ایڈمرل ووشینگلی کو نشان امتیاز ملٹری عطا کیا گیا۔

ترجمان پاک بحریہ کے مطابق ایڈمرل ووشینگلی کو پاکستان اور چین کے درمیان دوطرفہ تعلقات اور دونوں ممالک کی بحری افواج کے تعلقات کو مستحکم کرنے کے اعتراف میں نشان امتیاز دیا گیا۔

پاکستان نیوی ڈاکیارڈ میں منعقدہ تقریب میں عبدالقادر بلوچ نے معزز مہمان کو اعزاز تفویض کیا۔

واضح رہے کہ گزشتہ روز چینی بحریہ کے سربراہ ایڈمرل وو شینگلی پاک چیف آف نیول اسٹاف ایڈمرل محمد ذکا ء اللہ کی دعوت پر پاکستان کے سرکاری دورے پر پہنچےتھے۔

china-post-1

چینی بحریہ کے سربراہ ایڈمرل وو شینگلی کی پاکستان نیوی فلیٹ ہیڈ کوارٹرز آمد پر پاک بحریہ کے سربراہ نے ان کا پرتپاک استقبال کیا تھا۔

china-post-2

اس موقع پر پاک بحریہ کی جانب سے ایک چاق و چوبند دستے نے گارڈ آف آنر پیش کیا گیا، ایڈمرل وو شینگلی نے چیف آف نیول اسٹاف سے ملاقات میں پیشہ ورانہ امور پر تفصیلی تبادلہ خیال کیا اورآپریشنل امور پر بریفنگ بھی دی گئی۔

china-post-3

چینی بحریہ کے سربراہ نے خطے کی میری ٹائم سیکیورٹی کے حوالے سے پاک بحریہ کی کاوشوں اور عزم کی تعریف کی۔

Comments

comments

یہ بھی پڑھیں