اسلام آباد : پاکستان ستمبر کے بجائے نومبر یادسمبر میں سکوک بانڈ کے اجرا پر غور کرنے لگا، آئی ایم ایف کے ساتھ دوسرے جائزہ کے بعد سکوک بانڈ کے اجرا کا امکان ہے۔
تفصیلات کے مطابق وفاقی حکومت نے انٹرنیشنل سکوک بانڈ کے اجرا میں تاخیر پر غور شروع کردیا، ذرائع کا کہنا ہے کہ ستمبر میں سکوک بانڈ کے اجرا کو مؤخر کیے جانے کا امکان ہے.
پاکستان ستمبر کےبجائے نومبر یادسمبر میں سکوک بانڈ کےاجرا پر غور کرنے لگا،ذرائع نے کہا ہے کہ پاکستان رواں مالی سال کے بجٹ میں2ارب ڈالر کے انٹرنیشنل سکوک بانڈ جاری کرنا چاہتا ہے۔
ذرائع کا کہنا تھا کہ آئی ایم ایف کے ساتھ دوسرے جائزہ کے بعد سکوک بانڈ کے اجرا پر غور کیا جارہا ہے ، آئی ایم ایف کے ساتھ دوسرا جائزہ کے لیے ستمبر تک معاشی اہداف پرغور ہوگا، دوسرے جائزے کی کامیابی کیلئے نگران حکومت کو آئی ایم ایف شرائط پرعملدرآمدکرنا ہوگا۔
ذرائع کے مطابق سکوک کے اجرا کو مؤخر کرنے سے بہتر شرح سود مل سکتا ہے اور آئی ایم ایف سے دوسری قسط ملنے کے بعد سکوک کے اجرا تک پاکستان کا ریٹنگ بہتر ہوسکتی ہے۔