تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا ویکسین کی خریداری کے لیے پاکستان کے عالمی سطح پر رابطے جاری

اسلام آباد: پاکستان کے کرونا ویکسین کی خریداری کے لیے مختلف ممالک کی کمپنیز سے رابطے ہیں، پاکستان جلد فراہم کرنے والی کمپنی سے کرونا ویکسین خریدے گا۔

تفصیلات کے مطابق پاکستان کے کرونا ویکسین کی خریداری کے لیے عالمی سطح پر رابطے جاری ہیں، پاکستان کرونا ویکسین کے لیے 4 ممالک کی 6 کمپنیز سے رابطے میں ہے۔

پاکستان کے کرونا ویکسین کے لیے فائزر، جانسن اینڈ جانسن، چینی کمپنیز سائنو فارم، کین سائنو، آکسفورڈ یونیورسٹی اور روسی سپٹنک فائیو کمپنی سے رابطے جاری ہیں۔

ذرائع وزارت صحت کا کہنا ہے کہ 6 کمپنیز کی کرونا ویکسین پروفائل پر غور جاری ہے، پاکستان کے کرونا ویکسین کی خریداری پر 2 اہم مطالبات ہیں، پاکستان ڈبلیو ایچ او کے ای یو اے سرٹیفکٹ کی حامل ویکسین خریدے گا، جبکہ جلد فراہم کرنے والی کمپنی سے کرونا ویکسین خریدی جائے گی۔

ذرائع کے مطابق امریکی اور برطانوی کمپنیز سے کرونا ویکسین پر معاملات طے ہونا ممکن نہیں۔ فائزر اور جانسن اینڈ جانسن پاکستان کو فوراً ویکسین فراہم نہیں کر سکتیں۔ امریکی کمپنیز پہلے کرونا ویکسین کی مقامی ضرورت پورا کریں گی۔

اسی طرح آکسفورڈ یونیورسٹی بھی پہلے ویکسین کی مقامی ضرورت پورا کرے گی۔

ذرائع کے مطابق جانسن اینڈ جانسن پاکستان کو ویکسین فراہمی سے انکار کر چکی ہے علاوہ ازیں پاکستانی کولڈ چین سسٹم فائزر کی ویکسین ذخیرہ کرنے کا متحمل نہیں۔

Comments

- Advertisement -