کرکٹ میں آئے دن ریکارڈ قائم ہوتے رہتے ہیں لیکن پاکستان کرکٹ ٹیم نے تاریخ کا منفرد اور دلچسپ ترین ریکارڈ اپنے نام کر لیا۔

کرکٹ کا شمار دنیا کے مقبول ترین کھیلوں میں ہوتا ہے اور پاکستان میں تو اس کی مقبولیت کا اندازہ اس بات سے لگایا جاتا ہے کہ یہاں گلی، کوچے، سڑکیں کرکٹ کا میدان بن جاتی ہیں، جہاں نہ صرف بچے بلکہ نوجوان بھی کرکٹ کھیلتے دکھائی دیتے ہیں۔

پاکستان کرکٹ کی عمر 73 برس ہوچکی ہے۔ اس دوران ٹیم نے مجموعی اور کھلاڑیوں نے انفرادی طور پر کئی عالمی ریکارڈز اپنے نام کیے۔ لیکن اس بار پاکستان کرکٹ ٹیم نے اس کھیل کی تاریخ کا ایسا لاجواب ریکارڈ قائم کیا ہے جس کو منفرد کے ساتھ دلچسپ ترین ریکارڈ کہا جا سکتا ہے۔

کرکٹ ٹیموں میں نئے کھلاڑیوں کی آمد کا سلسلہ جاری رہتا ہے لیکن پاکستان نے گزشتہ تقریباً 17 ماہ میں جتنے میچز نہیں کھیلے ان سے زیادہ کھلاڑیوں کا ٹی 20 میں انٹرنیشنل ڈیبیو کرا دیا ہے۔

قومی کرکٹ ٹیم نے 2024 سے اب تک مجموعی طور پر 33 ٹی 20 انٹرنیشنل میچز کھیلے ہیں۔ تاہم اس میں 38 نئے کھلاڑیوں کو ڈیبیو کرایا ہے۔

یہ ایک ایسا منفرد اور دلچسپ ریکارڈ ہے جس میں پاکستان نے دیگر تمام ٹیموں کو پیچھے چھوڑ دیا ہے۔ صرف یہی نہیں بلکہ پاکستان نے اسی مدت کے دوران ٹی 20 میں 10 اوپننگ جوڑیوں کو آزمایا ہے۔

اسی مدت کے دوران اپنی ٹیموں میں نیا خون شامل کرنے والے ممالک میں بھارت کا دوسرا نمبر ہے۔ بلیو شرٹس نے 31 میچز میں 35 نئے کھلاڑیوں کو متعارف کرایا۔ جنوبی افریقہ نے 23 میچز میں 31 نئے کھلاڑیوں کو آزمایا۔

نیوزی لینڈ اور ویسٹ انڈیز نے 27،27 میچز میں بالترتیب 30 اور 27 کھلاڑیوں کو موقع دیا۔ افغانستان اور آسٹریلیا نے 21، 21 میچز کھیلے اور دونوں نے 25، 25 نئے کھلاڑیوں کو موقع دیا۔

انگلینڈ نے 22 میچوں میں 24، سری لنکا نے 23 میچوں میں 23 کھلاڑیوں کو کیپ دی۔ اس فہرست میں سب سے آخر میں بنگلہ دیش ہے جس نے 28 میچز میں صرف 22 نوجوان کھلاڑیوں کو موقع دیا۔

نحیف و نزار ’’پاکستان کرکٹ‘‘ سے خصوصی انٹرویو!