قومی کرکٹ ٹیم نے عیدالاضحیٰ انگلینڈ میں منائی۔ دیار غیر میں موجود کھلاڑیوں نے قومی لباس زیب تن کیا اور بغل گیر ہو کر عید کی مبارکباد دی۔
دورہ انگلینڈ پر موجود قومی ٹیم نے ڈربی کے ہوٹل میں عیدالاضحیٰ کی خوشیاں منائیں۔وکٹ کیپر بیٹسمین سرفراز احمد نے نماز عید کی امامت کی اور خطبہ دیا۔
اس موقع پر ملک و قوم کی سلامتی، خوشحالی اور ترقی کے لیے خصوصی دعائیں کی گئیں۔
Pakistan cricket team is celebrating #EidAlAdha today! pic.twitter.com/i6fNxSd0km
— Pakistan Cricket (@TheRealPCB) July 31, 2020
پلیئرز نے ایک دوسرے گلے لگ کر عید مبارکباد دی اور قومی لباس پہن کر عید کی یادگاری تصاویر بھی بنوائیں۔
خوشی کے اس موقع پر پلیئرز ایک دوسرے سے گھل مل گئے اور عید سیلفیاں بنواتے رہے۔
