ورلڈ کپ میں سیمی فائنل دوڑ سے باہر ہونے کے بعد قومی ٹیم کی واپسی کے ٹکٹ بُک ہوگئے ہیں۔
اے آر وائی نیوز کے مطابق قومی اسکواڈ کل براستہ دبئی واپسی کے لیے اڑان بھرے گا، قومی ٹیم کل بھارت سے دبئی کے لیے روانہ ہوگی۔
کچھ کھلاڑی اتوار کی صبح اور کچھ شام کو دبئی پہنچیں گے۔
قومی کرکٹرز دبئی پہنچنے کے بعد اپنے اپنے شہروں کے لیے روانہ ہوں گے۔
واضح رہےکہ قومی ٹیم اس وقت کلکتہ میں موجود ہے جہاں وہ انگلینڈ کے خلاف اپنا ورلڈکپ2023 کا آخری میچ کھیل رہی ہے۔
ورلڈکپ کے 44 ویں میچ میں انگلینڈ نے پاکستان کو جیت کے لیے 338 رن کا ہدف دیا ہے، پاکستان کو سیمی فائنل میں پہنچنے کے لیے یہ ہدف 6.4 اوور میں پورا کرنا تھا تاہم پاکستان ناممکن کو ممکن کرنے میں ناکام رہا۔
پاکستان نے اب تک ورلڈکپ میں 8 میچ کھیلے ہیں جس میں 4 میچ جیتے ہیں، اگر پاکستان آج اپنا نواں میچ جیتنے میں کامیاب رہا تو ورلڈکپ میں اس کی پانچویں پوزیشن پکی ہوجائےگی۔
