کراچی: پاکستانی کرکٹر ریاض شیخ 51 برس کی عمر میں انتقال کرگئے۔
رپورٹ کے مطابق ریاض شیخ نے 1987 سے 2005 کے دوران پاکستان کی نمائندگی کرتے ہوئے 43 فرسٹ کلاس میچز کھیلے جبکہ انہوں نے اپنے کیریئر کے دوران 25 ڈومیسٹک میچز بھی کھیلے۔
ریاض شیخ کی عمر 51 برس تھی، اطلاعات کے مطابق وہ گزشتہ دنوں کرونا وائرس کا شکار ہوئے تھے۔
إِنَّا لِلّهِ وَإِنَّـا إِلَيْهِ رَاجِعُونَ ہمارے قریبی ساتھی کرکٹر ریاض شیخ خالق حقیقی سے جا ملے ۔ اللہ تعالی ان کے درجات بلند فرمائے اور آپ لوگوں سے درخواست ہے کہ انکی مغفرت کے لیئے دعا کریں آمین ۔ pic.twitter.com/xjsVFjX3zh
— Rashid Latif 🇵🇰 (@iRashidLatif68) June 2, 2020
سابق پاکستانی کرکٹر اور وکٹ کیپر راشد لطیف نے سماجی رابطے کی ویب سائٹ پر افسوسناک خبر شیئر کی اور تمام لوگوں سے اپیل کی کہ وہ ریاض شیخ کی مغفرت کے لیے دعا کریں۔
ریاض شیخ بطور لیگ اسپنیر ٹیم میں کھیلتے تھے، انہوں نے بطور کرکٹر استعفیٰ دینے کے بعد بطور ہیڈ کوچ ایک کرکٹ اکیڈمی میں بھی ذمہ داریاں انجام دیں۔
یاد رہے کہ اس سے قبل اپریل کے مہینے میں فرسٹ کلاس کرکٹ کھیلنے والے کرکٹر ظفر سرفراز بھی کرونا سے متاثر ہوکر پشاور میں انتقال کرچکے ہیں۔
ایک ہفتے قبل پاکستانی ٹیم کے سابق اوپنر اور بلے باز توفیق عمر نے انکشاف کیا تھاکہ اُن کا کرونا ٹیسٹ مثبت آیا ہے جس کے بعد انہوں نے خود کو گھر میں قرنطینہ کرلیا ہے۔
إِنَّا لِلَّٰهِ وَإِنَّا إِلَيْهِ رَاجِعُونَ
My dear friend Riaz Sheikh, our skipper in 1986 for KHI U-19, a top 1st class cricketer & one of the finest people I’ve known left us early this morning. He left behind his wife & 3 lovely children. May Allah grant him Janat ul Firdous pic.twitter.com/jvJAJKPEZi— Ali Haider Zaidi (@AliHZaidiPTI) June 2, 2020
دوسری جانب وفاقی وزیر برائے بحری امور علی زیدی نے ریاض شیخ کے انتقال پر افسوس کا اظہار کیا اور اُن کی مغفرت کے لیے بھی دعا کی۔
علی زیدی نے بتایا کہ ریاض شیخ کے سوگوران میں اہلیہ اور تین بچے شامل ہیں۔
اناللہ وانا الیہ راجعون،
اللہ پاک مر حوم کی مغفرت فرمائے، اہل خا نہ کو صبر عطا فرمائے آمین 🤲— Sarfaraz Ahmed (@SarfarazA_54) June 2, 2020
ریاض شیخ کے انتقال پر قومی کرکٹ ٹیم کے سابق کپتان سرفراز احمد نے بھی افسوس کا اظہار کرتے ہوئے مغفرت کی اور اہل خانہ کے لیے صبر کی دعا بھی کی۔
ریاض شیخ کے کیریئر پر ایک نظر
ریاض شیخ نے 43 میچز میں 116 وکٹیں حاصل کیں، اُن کا یادگار ریکارڈ 60 رنز پر 8 وکٹیں حاصل کرنا تھا۔
