مردان: نوجوان کھلاڑی گردن پر گیند لگنے سے جاں بحق zubair ahmed
The news is by your side.

Advertisement

مردان: نوجوان کھلاڑی گردن پر گیند لگنے سے جاں بحق

پشاور: خیبرپختونخواہ کے علاقے مردان سے تعلق رکھنے والے نوجوان بلے باز زبیر احمد گردن پر گیند لگنے سے جاں بحق ہوگئے۔

تفصیلات کے مطابق زبیر احمد گزشتہ روز مردان کی تحصیل کاٹلنگ میں پریکٹس میچ کے دوران بیٹنگ کررہے تھے کہ اسی دوران تیز بال اُن کی گردن پر لگی جس کے نتیجے میں وہ بے ہوش ہوگئے۔ زبیراحمد کو فوری طور پر قریبی اسپتال پہنچایا جہاں انہیں انتہائی نگہداشت وارڈ میں رکھا گیا، ڈاکٹرز کے مطابق نوجوان راستے میں ہی دم توڑ گیا تھا۔

پاکستان کرکٹ بورڈ نے نوجوان بلے باز کے جاں بحق ہونے پر افسوس کا اظہار کرتے ہوئے اہل خانہ سے تعزیت کی ہے۔

سماجی رابطے کی ویب سائٹ پر پاکستان کرکٹ بورڈ نے پیغام جاری کیا کہ زبیراحمد کے انتقال سے ثابت ہوگیا کہ میچ کھیلنے کے دوران حفاظتی سامان اور ہیلمٹ کا استعمال کس قدر ضروری ہے۔

اہل خانہ کے مطابق زبیر احمد گیارہویں جماعت کے طالب علم تھے اور انہوں نے زمانہ اسکول میں کرکٹ کھیلی تاہم وہ حال ہی میں قومی ٹیم کے نوجوان کھلاڑی فخر زمان کی قائم کردہ اکیڈمی سے منسلک ہوئے تھے۔

Comments

comments

یہ بھی پڑھیں