شارجہ: ایشیا کپ کے اہم ترین میچ میں پاکستان نے ہانگ کانگ کو چاروں شانے چت کرتے ہوئے فائنل فور میں جگہ بنالی۔
تفصیلات کے مطابق پاکستان کے 194 رنز ہدف کے تعاقب میں ہانگ کانگ کی ٹیم محض 38 رنز پر ڈھیر ہوگئی اور اسے 155 رنز کی عبرتناک شکست کا منہ دیکھنا پڑا، مخالف ٹیم کا کوئی بھی کھلاڑی ڈبل فیگر میں داخل نہ ہوسکا۔
کپتان نزاکت خان 8 رنز بناسکے جبکہ کنچٹ شاہ 6، اسٹوک میکینی نے 4 رنز بنائے۔
Biggest margin of victory for Pakistan in T20Is ✅
Records tumble in Sharjah as Pakistan go through to Super Four 🙌#AsiaCup2022 | #PAKvHK pic.twitter.com/APOHUStKhT
— Pakistan Cricket (@TheRealPCB) September 2, 2022
پاکستان کی جانب سے شاداب خان نے کیریئر کی بہترین بولنگ کرتے ہوئے 8 رنز کے عوض 4 کھلاڑیوں کو آؤٹ کیا، محمد نواز نے 5 رنز کے عوض 3 جبکہ نسیم شاہ نے دو کھلاڑیوں کو پویلین کی راہ دکھائی، ایک وکٹ شاہنواز ڈاہانی کے حصے میں بھی آئی۔
اس سے قبل ہانگ کانگ کے کپتان نزاکت خان نے ٹاس جیت کر پاکستان کو پہلے بیٹنگ کی دعوت دی،پاکستان کو پہلا نقصان 13 رنز کے مجموعے پر اس وقت اٹھانا پڑا جب کپتان بابراعظم صرف 9 رنز بناکر پویلین لوٹے۔
14th T20I half-century for @iMRizwanPak 👌
The opening batter is growing in confidence 👏#AsiaCup2022 | #PAKvHK pic.twitter.com/Zxw2rt3eHE
— Pakistan Cricket (@TheRealPCB) September 2, 2022
بعد ازاں جارح مزاج بیٹر فخر زمان کریز پر آئے جنہوں نے محمد رضوان کے ساتھ مل کر ہانگ کانگ بولرز کی خوب دھلائی کی، دونوں بیٹرز نے میدان کے چاروں اطراف دلکش اسٹروک کھیلے۔
T20I fifty No.8️⃣ 🙌@FakharZamanLive brings up his half-century with a massive six 💪#AsiaCup2022 | #PAKvHK pic.twitter.com/ASCCKXTDUs
— Pakistan Cricket (@TheRealPCB) September 2, 2022
فخرزمان 53 رنز کی شاندار اننگز کھیل کر احسان خان کا شکار ہوئے، اوپنر بیٹر محمد رضوان 78 رنز کی عمدہ اننگز کھیل کر ناٹ آؤٹ رہے۔
میچ کے اختتامی اوورز میں خوشدل شاہ نے جارحانہ انداز اپنایا اور 15 گیندوں پر 35 رنز کی اننگز کھیلی، انکی اننگز میں 5 چھکے بھی شامل تھے۔
ہانگ کانگ کی جانب سے دونوں وکٹیں احسان خان نے حاصل کیں۔
میچ کے آغاز پر گفتگو میں ہانگ کانگ کپتان کا کہنا تھا کہ ہم دوسری اننگز میں ہدف حاصل کرنے کی بھرپور کوشش کرینگے، پچ کی صورت حال ہمارے ہوم گراؤنڈ سے ہم آہنگ ہے، ہانگ کانگ نے ٹیم میں کوئی تبدیلی نہیں کی تھی۔
🏏 Hong Kong win the toss and opt to bowl first 🏏
No changes to Pakistan's playing XI 👇#AsiaCup2022 | #PAKvHK pic.twitter.com/9FdoBlnySt
— Pakistan Cricket (@TheRealPCB) September 2, 2022
قومی ٹیم کے کپتان بابراعظم کا کہنا تھا کہ اگر ہم ٹاس جیتنے میں کامیاب ہوتے تو پہلے بیٹنگ کرتے،انہوں نے بتایا کہ اہم ترین میچ کے لئے ٹیم میں کوئی تبدیلی نہیں کی گئی تھی۔
یہ بھی پڑھیں: سپر 4 تک رسائی کے لیے پاکستان آج ہانگ کانگ سے ٹکرائے گا
اسی فتح کے ساتھ پاکستان فائنل فور میں پہنچنے والی چوتھی ٹیم بن گئی، ایونٹ کے اگلے مرحلے کے لیے پہلے ہی بھارت، افغانستان اور سری لنکا کی ٹیمیں کوالیفائی کرچکی ہیں۔
پاکستان فائنل فور مرحلے میں اپنا اہم ترین میچ اتوار کو بھارت کے خلاف کھیلے گا۔
