لاہور : پی سی بی نے ’’پاکستان کپ‘‘ کےنام سے ون ڈےٹورنامنٹ کرانےکااعلان کردیا ہے۔ پانچ ٹیموں پرمشتمل ٹورنامنٹ انیس اپریل سے شروع ہوگا۔
پاکستان کپ کرکٹ ٹورنامنٹ انیس اپریل سے یکم مئی تک فیصل آباد میں کھیلاجائے گا۔ ٹورنامنٹ میں بلوچستان، فیڈرل کپیٹل ، خیبر پختونخواہ ، پنجاب اور سندھ کی ٹیمیں حصہ لیں گی۔
اظہرعلی بلوچستان، مصباح الحق فیڈرل ، یونس خان خیبر پختونخواہ ، شعیب ملک پنجاب اور سرفراز احمد سندھ کی کپتانی کرینگے.
پی ایس ایل کی طرز پر پلیئرز ڈرافٹ آج ہوگا۔ پانچوں ٹیموں کےکپتان اورکوچزڈرافٹنگ کےذریعےکھلاڑیوں کا انتخاب کرینگے۔ ایک سو پچاس کے قریب کھلاڑی پلیئرز ڈرافٹ کی فہرست میں شامل ہیں۔