فیصل آباد : پاکستان کپ ون ڈے ٹورنامنٹ کا آغاز آج سے فیصل آباد میں ہورہا ہے۔ ایونٹ کی تیاریاں آخری مرحلے میں داخل ہوگئیں۔
تفصیلات کے مطابق پاکستان کرکٹ بورڈ کے زیر اہتمام پاکستان ون ڈے کرکٹ ٹورنامنٹ آج سے شروع ہوگا جس کی فیصل آباد کے اقبال اسٹیڈیم میں پچ کی تیاری مکمل ہوگئی ہیں۔
شائقین کیلئے اسٹینڈزاوردیگرانتظامات میں تیزی آگئی ہے۔ شائقین اسٹارز کھلاڑیوں کو ایکشن میں دیکھنے کیلئے بے تاب ہیں۔، ایونٹ کا آغاز منگل سے پنجاب اور بلوچستان کے درمیان کھیلے جانے والے میچ سے ہوگا۔
ڈے نائٹ میچ دوپہر تین بجے شروع ہوگا۔ ٹورنامنٹ کیلئے ٹیموں نے تیاریاں تیز کردی ہیں۔ سندھ کی ٹیم نے نیشنل اسٹیڈیم میں ڈیرہ جما لیا۔ گرم موسم میں کھلاڑی فٹنس ٹریننگ کیساتھ بھرپور نیٹ پریکٹس کررہے ہیں۔
سرفراز احمد کی قیادت میں سندھ کی ٹیم ایونٹ میں اپنی مہم جوئی کا آغاز اکیس اپریل کو بلوچستان کے خلاف میچ سے کرے گی۔
سینئیر کھلاڑی شعیب ملک، مصباح الحق، یونس خان اور اظہر علی اپنی اپنی ٹیموں کی قیادت کریں گے۔ ایونٹ کی دو ٹاپ ٹیموں کے درمیان فائنل یکم مئی کو کھیلا جائے گا۔
