ملتان: پاکستان کپ میں سینٹرل پنجاب کی نمائندگی کرنے والے فاسٹ بولر وہاب ریاض نے وائڈ بالز کے انبار لگادیے۔
تفصیلات کے مطابق پاکستان کپ میں سینٹرل پنجاب اور خیبرپختونخوا کے درمیان کھیلے گئے سیمی فائنل میں فاسٹ بولر وہاب ریاض نے 8 وائڈ بالز کیں۔
وہاب ریاض نے خیبرپختونخوا کے خلاف آٹھ گیندوں پر 14 رنز بنوادیے۔
ویڈیو میں دیکھا جاسکتا ہے کہ وہاب ریاض لائن و لینتھ بھول گئے، فاسٹ بولر کبھی آف اور کبھی لیگ سائیڈ پر وائڈ بال کررہے ہیں۔
پاکستان کپ کے سیمی فائنل میں فاسٹ باولر وہاب ریاض لائن اینڈ لینتھ سے ہٹ گئے….
وائیڈ بالز کے انبار لگ گئے….وہاب ریاض منجھے ہوئے باولر ہیں کبھی کبھار ایسے ہوجاتا ہے باولر کے ساتھ..#PakistanCup #CPvKP pic.twitter.com/eQg39dhajZ
— Qadir Khawaja (@iamqadirkhawaja) March 28, 2022
واضح رہے کہ وہاب ریاض نے پی ایس ایل 7 میں پشاور زلمی کی قیادت کے فرائض انجام دیے تھے۔
یاد رہے کہ وہاب ریاض نے 27 ٹیسٹ، 91 ون ڈے اور 36 ٹی ٹوینٹی انٹرنیشنل میچز میں قومی ٹیم کی نمائندگی کی اور بالترتیب 83، 120 اور 34 وکٹیں حاصل کیں۔