اسلام آباد: پاکستان نے بھارتی میڈیا کے ان دعوؤں کی سختی سے تردید کر دی جس میں کہا گیا کشیدگی کے دوران اسلام آباد کی جانب سے جنگ بندی کی درخواست کی گئی تھی۔
ترجمان دفتر خارجہ شفقت علی خان کی جانب سے جاری بیان میں کہا گیا کہ پاکستان نے بھارتی جارحیت کے بعد جنگ بندی کی کوئی درخواست نہیں کی، اس متعلق بھارتی میڈیا کا دعویٰ بے بنیاد اور گمراہ کن ہے۔
Statement by the Spokesperson Regarding Claims in Indian Media That the Deputy Prime Minister/Foreign Minister @MIshaqDar50 , Said that Pakistan Requested a Ceasefire.
⬇️https://t.co/ickAI7N9ZW pic.twitter.com/9HpMWKM6My
— Ministry of Foreign Affairs – Pakistan (@ForeignOfficePk) June 20, 2025
پاکستان نے واضح کیا کہ نائب وزیر اعظم و وزیر خارجہ اسحاق ڈار نے ہمیشہ پاکستان کے حق دفاع کا مؤقف پیش کیا، اسلام آباد نے بھارتی جارحیت کا فیصلہ کن جواب دیا۔
یہ بھی پڑھیں: جنگ بندی کی خواہش بھارت کی تھی، ڈی جی آئی ایس پی آر
بیان میں کہا گیا کہ سعودی عرب سمیت دوست ممالک نے جنگ بندی کیلیے کردار ادا کیا جبکہ اس کیلیے پیشکش بھارت کی طرف سے ہوئی تھی۔
ترجمان دفتر خارجہ نے بتایا کہ 10 مئی 2025 کو صبح 8:15 بجے امریکی وزیر خارجہ مارکو روبیو نے جنگ بندی کی پیشکش کی تو اسحاق ڈار نے پاکستان کی جانب سے قبول کیا۔
انہوں نے بتایا کہ صبح 9 بجے سعودی وزیر خارجہ نے بھی بھارتی جنگ بندی مؤقف کی تصدیق کی، اسلام آباد نے سیز فائر پر آمادگی امریکی و سعودی رابطے کے بعد ظاہر کی۔
