The news is by your side.

Advertisement

کامن ویلتھ گیمز: پاکستان اوربھارت کےدرمیان ہاکی میچ 2-2 سے برابر

گولڈ کوسٹ : کامن ویلتھ گیمز میں پاکستان اور بھارت کے درمیان ہاکی میچ سنسنی خیز مقابلے کے بعد 2-2 گول سے برابر ہوگیا۔

تفصیلات کے مطابق آسٹریلیا کے شہرگولڈ کوسٹ میں جاری 21 ویں کامن ویلتھ گیمز کے ایونٹ میں پاکستان اور بھارت کے درمیان کھیلے جانے والا میچ 2-2 گول سے برابر ہوگیا۔

بھارت کی جانب سے میچ کے آغاز کے کچھ دیر بعد ہی دلپریت سنگھ نے گول داغ کر پاکستان کے خلاف ایک صفر کی برتری حاصل کی۔

بھارت کی جانب سے میچ کے دوسرے کوارٹر میں ہرمن پریت سنگھ نے گول کرکے ٹیم کو پاکستان کے خلاف 0-2 کی برتری دلا دی۔

پاکستان کے کھلاڑی عرفان جونیئر تیسرے کوارٹر میں بھارت کے خلاف گول کرنے میں کامیاب رہے اور اس کے بعد قومی ہاکی ٹیم کی جانب سے تابڑ توڑ حملے کیے گئے۔ میچ ختم ہونے میں صرف 10 سیکنڈر باقی تھے کہ پاکستانی ٹیم کو پینالٹی کانر ملا جس پر گول نہ ہوسکا۔

میچ کے آخری سیکنڈز میں پاکستان کو پنالٹی کارنر ملا جس پرمبشرعلی نے آخری سیکنڈر میں گول کرکے میچ 2-2 گول سے برابر کردیا۔

خیال رہے کہ پاکستان اور بھارت کے خلاف ہاکی میں مسلسل 7 میچز میں شکست کے بعد پہلا میچ برابر کیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں