برسبین: پاکستان اور آسٹریلیا کے درمیان ہونے والے پہلے ٹیسٹ میچ میں سنسنی خیز مقابلے کے بعد آسٹریلیا نے پاکستان کو 39رنزسےشکست دے دی۔
تفصیلات کےمطابق برسبین میں کھیلےجانے والےپہلے ٹیسٹ میچ میں میزبان ٹیم کی جانب سے490رنزکے ہذف کے تعاقب میں پاکستان کی پوری ٹیم 450 رنز پر آؤٹ ہوگئی۔
پاکستان کی جانب سے سب سے زیادہ اسکور اسد شفیق نے137رنز کیا،اظہر علی نے 71 جبکہ یونس خان نے 65 رنز بنائے۔
قومی ٹیم کی جانب سےیاسر شاہ33 رنز بناکر رن آؤٹ ہوئےجبکہ سرفراز احمد 24 رنز پر مائیکل اسٹارک کی گیند کا شکار بنے، وہاب ریاض 30 رنز بناکر کیچ آؤٹ ہوئے جبکہ راحت علی ایک رنز پر رن آؤٹ ہوکر پویلین لوٹے۔
پاکستان کی جانب سے محمد عامر نے48، کپتان مصباح الحق نے5 رنز بنائے،جبکہ بابر اعظم نے 14 بنائے۔
دوسری جانب آسٹریلیا کی طرف سے اسٹارک نے4کھلاڑیوں کو پویلین کی راہ دکھائی جبکہ براڈ نے3اور لایون نے 2 وکٹیں حاصل کیں ۔
واضح رہے کہ تین ٹیسٹ میچز پر مشتمل سیریز کا دوسرامیچ 26دسمبر سے ملبورن میں کھیلا جائے گا۔
