اسلام آباد : وزیراعظم عمران خان کی معاشی پالسیوں کے مثبت اثرات نمایاں ہونے لگے ، پاکستان نے یورو بانڈ انٹرنیشنل مارکیٹ میں فروخت کرکے ڈھائی ارب ڈالر حاصل کرلیے۔
تفصیلات کے مطابق پاکستان نےڈھائی ارب ڈالرکے یوروبانڈانٹرنیشنل مارکیٹ میں فروخت کردیے، پاکستان نے پانچ ، دس اورتیس سال کی مدت کے یوروبانڈ پر ڈھائی ارب ڈالر حاصل کیے۔
یوروبانڈ کی فروخت سے پاکستان کے زرمبادلہ کےذخائرمیں ڈھائی ارب ڈالرکا اضافہ ہوگیا۔
اس حوالے سے وزیر خزانہ حماد اظہر نے سماجی رابطے کی ویب سائٹ ٹوئٹر پر اپنے بیان میں کہ غیر ملکی سرمایہ کاروں نے پاکستانی معیشت پر اعتماد کا اظہار کردیا اور معیشت کےمستقبل کے بارے میں پر امید ہیں۔
Pakistan has very successfully concluded its first ever 3-tranche capital market transaction yesterday. With 5, 10 and 30 yr Eurobonds at 6%, 7.375% and 8.875%, leading global investors showed great confidence in our country's economy and future outlook.
— Hammad Azhar (@Hammad_Azhar) March 31, 2021
حماداظہر کا کہنا تھا کہ پاکستان نے عالمی کیپٹل مارکیٹ میں یورو بانڈ کے اجرا کو مکمل کرلیا ، عالمی مارکیٹ میں 5،10اور30 سال کے لیےیورو بانڈز جاری کئے، یوروبانڈز پر 6 فیصد ، 7.375 فیصد اور 8.875 فیصد منافع دیا جائے گا۔
دوسری جانب گورنر سندھ عمران اسماعیل نے اپنے پیغام میں کہا پاکستان نے یورو بانڈ زکی مارکیٹ میں قدم رکھ دیا اور یوروبانڈ میں پاکستان نے2.5 ارب ڈالر حاصل کرنے کامنصوبہ بنا یا ، عالمی مارکیٹس کی رپورٹ کے مطابق 5 ارب ڈالرزپیش کش موصول ہوچکی ہیں، وزیراعظم عمران خان کی معاشی پالیساں مثبت اشارے دکھا رہی ہیں۔
Pakistan is in the market for a Eurobond wherein, it plans to raise $2.5 billion. Reports received from the International markets suggest that so far over $5 billion have been received in terms of offers. PM @ImranKhanPTI economic policies showing positive sign
— Imran Ismail (@ImranIsmailPTI) March 31, 2021