اتوار, جولائی 6, 2025
اشتہار

تحریک انصاف کی حکومت نے رواں مالی سال کے پہلے 9ماہ میں کتنا بیرونی قرضہ لیا ؟

اشتہار

حیرت انگیز

اسلام آباد: حکومت نے رواں مالی سال کےپہلے9ماہ میں 7 ارب 41 کروڑ 30 لاکھ ڈالر کا بیرونی قرضہ حاصل کیا جبکہ 4 ارب 86 کروڑ 50لاکھ ڈالر قرض واپس کیا۔

تفصیلات کے مطابق حکومت نے رواں مالی سال کے پہلے 9 ماہ کے بیرونی قرضوں کی تفصیلات جاری کردیں ، جس میں بتایا گیا کہ جولائی 2020 مارچ 2021 میں 7 ارب 41 کروڑ 30 لاکھ ڈالر کا بیرونی قرضہ حاصل کیا۔

رپورٹ میں کہا گیا کہ 1 ارب 34 کروڑ 90 لاکھ ڈالر بجٹ سپورٹ کی مدمیں ، 3 ارب 12 کروڑ ڈالر کمرشل قرضوں کی ادائیگی کیلئے اور ترقیاتی منصوبوں کی تکمیل کیلئے 1 ارب 35 کروڑ ڈالر بیرونی قرضہ لیا گیا۔

جاری تفصیلات کے مطابق 43 کروڑ 90 لاکھ ڈالر اجناس کی فنانسنگ کیلئے حاصل کیا گیا، چین نےپاکستان کوسیف ڈیپازٹ کی مدمیں ایک ارب ڈالر اور ایشیائی ترقیاتی بینک نے پاکستان کو1 ارب 24 کروڑ 70 لاکھ ڈالر قرض فراہم کیا۔

رپورٹ میں بتایا گیا کہ عالمی بینک نے 2 ارب 25 کروڑ ڈالر میں سے پاکستان کو93 کروڑ 80 لاکھ ڈالرقرض دیا ، فرانس نے 3 کروڑ 48 لاکھ ڈالر، امریکا نے 8 کروڑ 62 لاکھ ڈالر قرض اور چین نے14 کروڑ 75 لاکھ ڈالر قرض فراہم کیا۔

رپورٹ میں کہا گیا کہ رواں مالی سال کے پہلے9 ماہ میں4 ارب 86 کروڑ 50 لاکھ ڈالر قرض واپس کیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں