Pakistan پاکستان نے 457 قیدیوں کی فہرست بھارت کے حوالے کردی
The news is by your side.

Advertisement

پاکستان نے 457 قیدیوں کی فہرست بھارت کے حوالے کردی

اسلام آباد : پاکستان اوربھارت کے درمیان قیدیوں کی فہرست کا تبادلہ ہوا ہے، پاک بھارت معاہدے کے تحت دونوں ممالک یکم جنوری اوریکم جولائی کوقیدیوں کی فہرست کا تبادلہ کرتے ہیں۔

تفصیلات کے مطابق پاکستان اوربھارت کےدرمیان قیدیوں کی فہرست کا تبادلہ کیا گیا ، پاکستان نے چارسوستاون قیدیوں کی فہرست بھارت کے حوالے کردی۔

ترجمان دفترخارجہ کے مطابق تین سونناوے بھارتی ماہی گیراوراٹھاون عام قیدی پاکستانی جیلوں میں ہیں۔

بھارت نے پاکستانی قیدیوں کی فہرست نئی دہلی میں پاکستانی ہائی کمیشن کے حوالے کی، دونوں ممالک معاہدے کے تحت سال میں دومرتبہ یکم جنوری اوریکم جولائی کوقیدیوں کی فہرست کا تبادلہ کرتے ہیں۔

ترجمان دفترخارجہ کا کہنا ہے کہ آٹھ جنوری کو مزید ایک سو چھیالیس بھارتی ماہی گیروں کو رہا کیا جائے گا، پاکستان نے جذبہ خیرسگالی کے تحت ایک سو پینتالیس بھارتی ماہی گیروں کواٹھائیس دسمبر کو رہا کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں