آسٹریلیا میں پاکستانی ہائی کمشنر زاہد حفیظ نے پاک آسٹریلیا میچ کیلئے پاکستان فین زون کے ٹکٹ خریدلیے ہیں۔
تفصیلات کے مطابق آسٹریلیا میں موجود پاکستانی ہائی کمشنر بھی پاکستان آسٹریلیا کا میچ دیکھنے کیلئے پرجوش ہیں، پاکستانی ہائی کمشنر زاہد حفیظ نے آسٹریلیا کے خلاف میچ کے لیے پاکستان فین زون کے ٹکٹ حاصل کیے۔
پاکستانی ہائی کمشنر نے آسٹریلیا کے خلاف چار نومبر کو میلبرن میں شیڈول ون ڈے میچ کے لیے آن لائن ٹکٹ بک کیے، انہوں نے فین زون کے ٹکٹ بک کیے اور کرکٹ آسٹریلیا کے حکام سے ملاقات کی۔
- Advertisement -
پاکستانی ہائی کمشنر زاہد حفیظ نے کہا کہ پاکستان کے خلاف سیریز کے لیے پاکستان فین زون بنانے پر کرکٹ آسٹریلیا کا شکریہ ادا کرتا ہوں۔
پاکستانی ہائی کمشنر زاہد حفیظ نے مزید کہا کہ پاکستان کرکٹ فینز کرکٹ سے پیار کرتے ہیں، امید ہے پاکستان فینز زون بھریں ہوں گے۔
