The news is by your side.

Advertisement

کلبھوشن دہشت گرد ہے،سزا ملنی چاہیے، ہائی کمشنرعبدالباسط

نئی دہلی : بھارت میں پاکستانی ہائی کمشنر عبدالباسط نے کہا ہے کہ را ایجنٹ کلبھوشن یادیو ایک دہشت گرد ہے اور دہشت گرد کو ضرور سزا ملنی چاہیے۔

پاکستانی ہائی کمشنر عبدالباسط نئی دہلی میں پاک بھارت کانفرنس میں شرکت کے بعد میڈیا سے گفتگو کر رہے تھے انہوں نے کہا کہ کلبھوشن یادیو پاکستان میں دہشت گردی کے واقعات کرانے میں ملوث رہا ہے اور معصوم لوگوں کے قاتلوں کو ہر حال میں سزا ملنی چاہیے۔


*بھارتی جاسوس کلبھوشن یاد یو کو سزائے موت سنا دی گئی، آئی ایس پی آر


انہوں نے کلبھوشن یادیو کو پھانسی کی سزا دینے کے فیصلے کو درست قرار دیتے ہوئے کہا کہ دہشت گردی کے وارداتوں میں ملوث ہر شخص کو اس کے منطقی انجام تک پہنچانا ضروری ہے۔


*ایران میں رہتے ہوئے دہشتگردی کیلئے افغان سرزمین کا استعمال کیا، کلبھوشن یادیوکا اعتراف

واضح رہے را کے ایجنٹ اور حاضر بھارتی نیوی افسر کلبھوشن یادیو کو فیلڈ جنرل کورٹ مارشل کے بعد سزائے موت سنائی گی تھی۔


*کلبھوشن یادیو ہماری نیوی کا افسرتھا، بھارت نے تسلیم کرلیا


یاد رہے بلوچستان سے حراست میں لیے گئے کلبھوشن یادیو نے اپنے ویڈیو بیان میں بلوچستان سمیت کراچی میں دہشت گردی کی کارروائیوں میں کالعدم جماعتوں کی سرپرستی اور معاونت کا اعتراف کیا تھا۔

کانفرنس میں سابق وزیرخارجہ خورشیدقصوری نے بھی شرکت کی اور میڈیا سے گفتگو کرتے ہوئے کہا کہ کلبھوشن یادیو سےمتعلق درست فیصلہ دیاگیا ہے جو حقائق پر مشتمل اور انصاف کے تقاضوں کو پورا کرتا ہے۔

Print Friendly, PDF & Email

Comments

comments

یہ بھی پڑھیں