The news is by your side.

Advertisement

کھلاڑیوں کی فٹنس کے لئے پاکستان ہاکی فیڈریشن کا بڑا اقدام

کراچی: پاکستان ہاکی فیڈریشن نے کھلاڑیوں کی فٹنس کو معیاری بنانے کے لئے بڑا فیصلہ کیا ہے۔

ذرائع کے مطابق پاکستان ہاکی فیڈریشن نے غیرملکی فزیکل ٹرینر کی خدمات حاصل کرلیں ہیں، جن سے تمام معاملات طے ہوچکے ہیں، آسٹریلیا سے تعلق رکھنے والے فزیکل ٹرینر ڈینئیل بیری رواں ماہ کےآخر میں پاکستان آئیں گے۔

ذرائع کا کہنا ہے کہ قومی ہاکی ٹیم کے کیمپ کا پہلا مرحلہ 8فروری کو ختم ہوگا جبکہ کیمپ کا دوسرامرحلہ پی ایس ایل کے بعد نیشنل ہاکی اسٹیڈیم میں شروع ہو گا، فزیکل ٹرینرہاکی ٹیم کےٹریننگ کیمپ کےدوسرے مرحلےمیں شامل ہوں گے۔

ذرائع کا کہنا ہے کہ قومی کھلاڑی گوجرانوالہ میں ہونے والے ٹورنامنٹ میں شریک ہونگے۔

یاد رہے کہ گذشتہ سال دسمبر میں پاکستان ہاکی فیڈریشن نے غیر ملکی کوچ کی خدمات حاصل کی تھیں، ہالینڈ کے سیگفیڈ ایکمین کو پاکستان ہاکی ٹیم کے ہیڈ کوچ مقرر کیا گیا تھا، سیگفیڈ ایکمین کو 2026ء تک پاکستان ہاکی ٹیم کے ہیڈ کوچ ذمے داریاں سنبھالیں گے۔

یہ بھی پڑھیں: پاکستان ہاکی کی زبوں حالی کی اہم وجہ منظر عام پر

ہیڈ کوچ سیگیفڈ ایکمین کا کہنا تھا کہ پاکستانی ٹیم کو جدید ہاکی اسکلز سیکھنے اور انٹرنیشنل فٹنس لیول کی ضرورت ہے جس کے لیے سب کو سخت محنت کرنا ہوگی۔

انہوں نے کہا کہ پاکستانی کھلاڑیوں میں پوٹینشل ہے تاہم رزلٹ اچھے لانے کے لیے اسکلز میں بہتری اور فٹنس کلچر کو عادت بنانا پڑے گا، منزل بہت کھٹن اور دور ضرور ہے لیکن عمدہ حکمت علمی، خلوص، نیت اور لگن کے ساتھ ورک کیا جائے تو حالات بدل سکتے ہیں۔

Comments

یہ بھی پڑھیں