لاہور: چیف سلیکٹر ہاکی ٹیم منظور جونیئر نے اولمپک کوالیفائنگ راؤنڈ کے لیے قومی ٹیم کا اعلان کردیا۔

تفصیلات کے مطابق سلیکشن کمیٹی نے اولمپک کوالیفائنگ راؤنڈ کے لیے 18 رکنی قومی ٹیم کا اعلان کردیا ہے، کوالیفائنگ راؤنڈ کے 2 میچز 26 اور 27 اکتوبر کو ہالینڈ میں کھیلے جائیں گے۔

قومی ہاکی ٹیم میں گول کیپر امجد علی، وقار، مبشر علی، رضوان علی، تصور عباس، ابوبکر، اظفر یعقوب شامل ہیں۔

[bs-quote quote=”محمد عرفان سینئر ویزہ ملنے کی صورت میں 19ویں کھلاڑی ہوں گے” style=”style-8″ align=”left”][/bs-quote]

معین جمیل، راشد محمود، فارورڈ عمر بھٹہ، رانا سہیل، رضوان سینئر بھی اسکواڈ میں شامل ہیں۔

قومی ٹیم میں غضنفر علی، حماد نجم، اعجاز احمد، علی شاہ، رانا وحید کو شامل کیا گیا ہے جبکہ محمد عرفان سینئر ویزہ ملنے کی صورت میں 19ویں کھلاڑی ہوں گے۔

کوالیفائنگ راؤنڈ کے میچز 26 اور 27 اکتوبر کو ہالینڈ میں کھیلے جائیں گے، ہالینڈ اس وقت رینکنگ میں تیسرے اور پاکستان 17ویں نمبر پر موجود ہے۔