اسلام آباد : پاکستان اور آئی ایم ایف کے درمیان گردشی قرض پر بات چیت کا امکان ہے، پاکستان گیس کا گردشی قرضہ ختم کرنے کے لیے پلان فراہم کرے گا۔
تفصیلات کے مطابق پاکستان اور آئی ایم ایف کے درمیان بجٹ مشاورت جاری ہے، ذرائع نے بتایا کہ پاکستان اور آئی ایم ایف کے درمیان ورچوئل مذاکرات آج ہوسکتے ہیں، ورچوئل مذاکرات گیس سیکٹر کے گردشی قرضے پر بات چیت کا امکان ہے.
پاکستان گیس کا گردشی قرضہ ختم کرنے کے لیے پلان فراہم کرے گا،گیس کے شعبے میں گردشی قرض 2800 ارب روپے کے لگ بھگ ہے۔
گیس سرکلر ڈیٹ کم کرنے کے لیے ڈیوڈنڈ کو استعمال کرنے کی تجویز دی گئی ہے۔
آئی ایم ایف کے گیس کے شعبے کی کمپنیوں کا ڈیٹا طلب کیا ہے، آئی ایم ایف کو گیس کمپنیوں کی 5 سالہ کارکردگی پیش کی جائے گی۔
اس کے ساتھ ہی گیس کپمینوں کے 5 سال کے منافع اور نقصان سمیت کیش فلو اور بیلنس شیٹ سے آگاہ کیا جائے گا۔
حکومت پاکستان گیس کے شعبے میں سرکلر ڈیٹ آیندہ 5 سال میں ختم کرنے کا پلان دے گی، جس میں پی ایس او، اوجی ڈی سی، پاکستان پٹرولیم لمیٹڈ، ماری گیس سمیت سوئی سدرن اور سوئی نادرن گیس کمپنی شامل ہونے کا امکان ہے۔
