پاکستان اور بھارت کے درمیان ہونے والی جنگ میں سیز فائر کے بعد راولاکوٹ میں زندگی معمول پرآنے لگی، بازاروں میں چہل پہل بھی بڑھ گئی۔
اے آر وائی نیوز کے مطابق راولا کوٹ کا بیف تکا اور چپلی کباب بہت شوق سے کھائے جاتے ہیں، خاص طور پر حالیہ دنوں میں لائن آف کنٹرول پر جو ٹینشن رہی اور جنگ کا ماحول رہا اس کے بعد یہاں زندگی معمول پر آنا شروع ہوگئی ہے۔
راولاکوٹ میں ڈھابوں اور ہوٹلوں پر گہما گہمی ہے، سیزفائر سے پہلے بھی یہاں بازار کھلے تھے لیکن اب رونقیں بڑھی ہیں تو کاروبار بھی بڑھ گیا ہے۔
ایک ڈھابے کے مالک نے بتایا کہ چپلی کباب اور تکے یہ کاروبار میرے والد صاحب نے 1978 میں شروع کیا تھا اب ہم اسے چلارہے ہیں، ہمارا مقصد یہ ہوتاہے کہ لوگ یہاں سے مطمئن ہوکر جائیں۔
ہوٹل میں آئے ایک صارف نے بتایا کہ یہاں کی سب سے مشہور چیز کباب ہے، یہاں پر لوگ بہت آتے ہیں، یہاں کا نظام اور سروس اچھا ہے جبکہ صفائی کا بھی بہت خیال رکھا جاتا ہے۔
اسلام آباد سے آئے ایک شخص نے کہا کہ میں یہاں پہلی بار آیا ہے، کباب بہت اچھے ہیں اور میں لوگوں سے کہوں گا کہ یہاں آئیں تو کباب ضرور کھائیں،
پاکستان بھر کی طرح راولا کوٹ میں بھی کوئٹہ ہوٹل موجود ہیں اور یہاں لوگ چپلی کباب اور تکے کھانے کے بعد چائے پیتے نظرآتے ہیں، یہاں پر کشمیری چائے بھی بہت معروف ہے۔
