The news is by your side.

Advertisement

پٹھان کوٹ حملے کے بعد دونوں ممالک نے تعاون پررضامندی ظاہر کی، عبدالباسط

نئی دہلی: بھارت میں پاکستانی ہائی کمشنر عبدالباسط کا کہنا ہےکہ پٹھان کوٹ واقعے کے بعد دونوں ممالک نے تعاون پر رضامندی کا اظہار کیا ہے جو خوش آئند ہے۔

بھارتی نجی ٹی وی کو ایک انٹرویو دیتے ہوئے بھارت میں پاکستانی ہائی کمشنر عبدالباسط کا کہنا ہے کہ اس موقع پر کوئی قیاس آرائی نہیں کرنا چاہتا، یقیناً پٹھان کوٹ کے معاملے کی تحقیقات پر دونوں جانب سے رضامندی کے بعد شروع کی گئیں ہیں۔

ان کا کہا کہ پاکستانی وفد کا دورہ پٹھان کوٹ معاملے کی تحقیقات اور اس سے اس مکروہ جرم کے ذمے داروں کو انصاف کے کٹہرے میں لانے میں میں مددگار ثابت ہوگا ، مسعود اظہر کے معاملے پر عوامی فورم میں بات سے کوئی فائدہ نہیں ہوگا کہ وہ زیرحراست ہیں یا پھر حفاظتی تحویل میں ہیں۔

ان کا کہنا تھا کہ ہمیں اپنے مقاصد کے حوالے سے واضح ہونا چاہیے، پاکستان نے اس طرح کے افراد کے خلاف کارروائی کی ہے، ضروری ہے کہ دونوں ممالک تحقیقات کے اس مرحلے پر ایکدوسرے سے تعاون کریں، ہم اپنی جانب سے اس واقعے کی تحقیقات کررہے ہیں توانتظار کیا جائے قیاس آرائیاں نہ کی جائیں۔

Comments

comments

یہ بھی پڑھیں