The news is by your side.

Advertisement

امریکا جان لے ! دنیا برائے فروخت نہیں، ملیحہ لودھی

نیوریارک : اقوام متحدہ میں پاکستان کی مستقل مندوب ملیحہ لودھی نے کہا ہے کہ مقبوضہ بیت المقدس سے متعلق امریکی فیصلہ عالمی قوانین کی خلاف ورزی ہے اور تمام تر امریکی دھمکیوں کے باوجود پاکستان فلسطینیوں کی حمایت جاری رکھے گا.

وہ اقوام متحدہ کے جنرل اسمبلی اجلاس سے خطاب کر رہی تھیں، ملیحہ لودھی کا کہنا تھا کہ بیت المقدس سے متعلق امریکی فیصلے کو رد کرتے ہیں اور واضح کردینا چاہتے ہیں کہ دنیا برائے فروخت نہیں ہے.

انہوں نے کہا کہ دنیا بھر سے امریکی فیصلے کے خلاف احتجاج کا سلسلہ جاری ہے اور فلسطینی عوام نے بھی اس فیصلے کو مشترد کردیا ہے جس کے بعد یروشلم کو اسرائیلی دارالحکومت بنانے کا اعلامیہ حیثیت کھو چکا ہے.

ملیحہ لودھی نے کہا کہ امریکی اقدام سے فلسطینیوں میں مایوسی پھیل رہی ہے جس سے امن کی کوششوں کو نقصان پہنچے گا چنانچہ اقوام متحدہ فوری طور پر یروشلم کو اسرائیل کا دارالحکومت تسلیم کرنے کے امریکی فیصلے کو منسوخ کرے.

انہوں نے مزید کہا کہ کسی بھی جبر اور متنازعے فیصلے کے ذریعے فلسطینیوں سے آزادی کا حق نہیں چھینا جا سکتا، پاکستان اپنے برادر مسلم ملک فلسطین اورانکی عوام کی جدوجہد آزادی کی حمایت جاری رکھے گا اور اس موقف پیچھے نہیں ہٹے گا.

ملیحہ لودھی نے کہا کہ امریکی فیصلےسے2ریاستی حل ختم ہوجائے گا، فلسطین کی حمایت ہماری خارجہ پالیسی کا ستون ہے چنانچہ امریکی فیصلے سے متعلق پاکستان عالمی برادری کے ساتھ کھڑا ہے اور دھمکیوں کے باوجود اپنے موقف پر ڈٹے رہیں گے.

خیال رہے اقوم متحدہ کے جنرل اسمبلی اجلاس میں امریکا کی جانب سے یروشلم کو اسرائیل کا دارالخلافہ قرار دیتے ہوئے اپنا سفارت خانہ تل ابیب سے یروشلم منتقلی کے فیصلے پر رکن ممالک کی جانب سے تقاریر کا سلسلہ جاری ہے جب کہ کچھ دیر بار قرار داد پر ووٹنگ ہو گی.

Print Friendly, PDF & Email

Comments

comments

یہ بھی پڑھیں