اسلام آباد: پاکستان انٹرنیشنل ایئرلائن میں ہونے والے ریفرنڈم میں پیپلز یونٹی چار ہزار اٹھائیس ووٹ لے کر کامیاب قرار پائی جبکہ ن لیگ کی حمایت یافتہ سی بی اے یونین ایئر لیگ کو شکست کا سامنا کرنا پڑا۔
تفصیلات کے مطابق پی آئی اے ریفرنڈم میں ن لیگ کی حمایت یافتہ سی بی اے یونین ایئر لیگ کو بری طرح شکست کا سامنا کرنا پڑا جبکہ اپوزیشن جماعتوں کا اتحاد کام دکھا گیا اور پی آئی اے ریفرنڈم میں میں بھی سینیٹ الیکشن جیسی صورت حال دیکھنے میں آئی۔
نتائج کے مطابق پیپلز یونٹی چار ہزار اٹھائس ووٹ حاصل کر کے کامیاب قرار پائی جبکہ سویپ ائر لیگ نے صرف سترہ سو ستناویں ووٹ حاصل کیے جبکہ مجوعی چھ ہزار ووٹ کاسٹ کیے گئے۔
پی آئی اے میں خواتین پائلٹس کے کوٹے پر عمل درآمد کا حکم
اپوزیشن جماعتوں کی حمایت یافتہ یونین انصاف فرنٹ، پیاسی یونائٹڈ ورکرز فرنٹ اور آسکا ی ویز نے پیپلز یونٹی کا ریفرنڈم میں بھرپور ساتھ دیا علاوہ ازیں پی آئی اے میں منعقد ہونے والے ریفرنڈم میں گرینڈ الائنس نے بھی بھرپور کردار ادا کیا۔
صدر پیپلز یونٹی ہدایت اللہ نے ریفرنڈم سے متعلق کامیابی پر یونٹی کو مبارک باد پیش کرتے ہوئے کہا کہ پیپلز یونٹی نے اپنے اتحادیوں کے ساتھ مل کر قاتل لیگ کا بھرپور مقابلہ کیا اور کامیابی اپنے نام کی۔
پی آئی اے: ایگزیکٹیو کمیٹی کے دوسالہ انتخابی نتائج کا اعلان، رضوان گوندل صدر منتخب
دوسری جانب رہنما یونائیٹڈ فرنٹ کا کہنا تھا کہ پی آئی اے کی بقاء کے لیے ملازمین نے تاریخی اتحاد کا مظاہرہ کیا اور ایئر لیگ کو شکست فاش کی، آگے بھی اسی طرح کامیابیاں سمیٹیں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔
