پر مسرت لوگوں کی فہرست میں پاکستان بھارت سے آگے happiest peoples list by UNO
The news is by your side.

Advertisement

پر مسرت لوگوں کی فہرست میں پاکستان بھارت سے آگے

نیویارک : اقوام متحدہ نے عالمی یوم مسرت پر ان ممالک کی فہرست جاری کردی ہے جہاں کے عوام پر مسرت رہتے ہیں جس میں پاکستان بھارت سے آگے ہے۔

اقوام متحدہ کی جانب سے جاری کردہ فہرست کے مطابق ناروے پرمسرت رہنے والے لوگوں میں سر فہرست ہے اور پاکستان کا نمبر 80 اور بھارت 122 ویں نمبر پر ہے یعنی پاکستانی شہری بھارتیوں کے مقابلے میں زیادہ خوش و خرم رہتے ہیں۔

یاد رہے کہ گذشتہ سال پاکستان کا نمبر 92 واں اور بھارت کا 118 واں درجہ تھا اس طرح اس سال پاکستان میں 12 درجے بہتری ہوئی ہے جب کہ بھارت کی رینکنگ میں 30 درجے تنزلی ہوئی۔

واضح رہے کہ اقوام متحدہ ہر سال عالمی یوم مسرت پر دنیا بھر میں شہریوں کی خوشحالی، روایتی اور سماجی رویوں ، صحت مند طرز زندگی،خود اعتمادی، آزادی اور خود مختاری کو مد نظر رکھتے ہوئے ایک فہرست مرتب کرتی ہے۔

اس فہرست میں عوا م کو ملنے والی سہولیات اور ان کے طرز زندگی کا مشاہدہ کرتے ہوئے ممالک کی درجہ بندی کی جاتی ہے ہر سال جاری ہونے والی اس فہرست سے ظاہر ہوتا ہے کہ پاکستان میں لوگوں کا معیار زندگی گزشتہ سال کی نسبت بہتر ہوا ہے جب کہ بھارت کے درجے میں کمی آئی ہے۔

Comments

comments

یہ بھی پڑھیں