اسلام آباد: وفاقی وزیرِ صنعت و پیداوار حماد اظہر نے کہا ہے کہ پاکستان ایف اے ٹی ایف کے حوالے سے 2 ایکشن پلان پر کام کر رہا ہے، ایک پلان کسی بھی ملک کو دیا گیا اب تک کا سب سے مشکل اور جامع پلان ہے۔
تفصیلات کے مطابق حماد اظہر نے سماجی رابطے کی ویب سائٹ ٹوئٹر پر ٹوئٹ کیا کہ ایف اے ٹی ایف کا ایک پلان کسی بھی ملک کو دیا گیا اب تک کا سب سے مشکل اور جامع پلان ہے، پارلیمنٹ سے منظور قوانین میں دو چیزوں کو مد نظر رکھا گیا، قوانین میں رواں ماہ اور آئندہ سال کے جائزے کو مد نظر رکھا گیا ہے۔
During plenary, Pak legal effort hailed as role model for other countries to follow.
Interplay of 2 evaluations & requirements of laws was discussed in detail during parl comm meetings.
GoP now focusing on implementation of these laws for effectiveness evaluation planned ahead.— Hammad Azhar (@Hammad_Azhar) October 25, 2020
وفاقی وزیر نے بتایا کہ قوانین گزشتہ دس سال سے جمع چیزوں کو کلیئر کرنا واضح کرتے ہیں۔
ان کا کہنا تھا کہ ایف اے ٹی ایف کی پلینری میٹنگ میں پاکستان کے قانونی اقدامات کو سراہا گیا، پاکستا کے قوانین کو دوسرے ممالک کے لیے مثال قرار دیا گیا۔
بلیک لسٹ میں جانے کے تمام خدشات ختم، حماد اظہر
حماداظہر نے مزید کہا کہ پارلیمانی کمیٹی کے اجلاسوں میں جائزوں کے اثرات اور ضروریات پر غور کیا گیا، آئندہ جائزوں کے حوالے سے پاکستان کی توجہ قوانین کے نفاذ پر ہے۔