The news is by your side.

پاکستان کو جی 20 ممالک سے قرضوں میں مزید ریلیف ملنے کا امکان

اسلام آباد : پاکستان کو جی 20 ممالک سے قرضوں میں مزید ریلیف ملنے کا امکان ہے، جاپان، اٹلی اور اسپین سے مزید 18 کروڑ 95 لاکھ ڈالر کا مزید قرض موخر کرایا جائے گا۔

تفصیلات کے مطابق پاکستان کی سیلاب کے بعد جی 20 ملکوں سے مزید ریلیف کی تیاریاں جاری ہے۔

اقتصادی امورڈویژن نے بتایا کہ گزشتہ 2 برسوں کے دوران جی 20 ممالک سے 3 ارب 68 کروڑ ڈالر کی قرض ادائیگیاں موخر کی گئیں۔

دستاویز میں کہا گیا کہ سال 2020 سے 2021 تک تین مراحل میں جی 20 ممالک سے قرض ادائیگیاں مؤخر کرائی گئی۔

اقتصادی امورڈویژن کا کہنا تھا کہ 2021 کے دوران مجموعی طور پر 2 ارب 7 کروڑ ڈالر سے زائد قرض مؤخر کرایا گیا، اس دوران 1 ارب 60 کروڑ ڈالر قرض مؤخرکرایا گیا۔

دستاویز کے مطابق جاپان، اٹلی اور اسپین سے مزید 18 کروڑ 95 لاکھ ڈالر کا قرض مزید موخر کرایا جائے گا، جی 20 ممالک کو اب قرض ادائیگیاں 2025 سے 2028 تک کی جائیں گی۔

اقتصادی امورڈویژن کے مطابق جی 20ممالک سے تیسرےسیشن میں ابھی تک 94 کروڑ 70 لاکھ ڈالر کے قرض موخر ہوئے ، جاپان، اٹلی اور اسپین سے معاہدوں کے بعد یہ رقم 1 ارب 13 کروڑ ڈالر سے زائد ہو جائیں گی۔

کورونا وبا کے دوران جی 20ممالک نے قرض ادائیگیاں مؤخر کرنے کے اقدامات شروع کیے تھے۔

Comments

یہ بھی پڑھیں