The news is by your side.

Advertisement

پاکستان میڈیکل ایسوسی ایشن کا 16 دسمبر کو ملک بھر میں یوم سیاہ منانے کا اعلان

لاہور: پی آئی سی میں وکلاء کی ہنگامہ آرائی، توڑ پھوڑ پر پاکستان میڈیکل ایسوسی ایشن نے 16 دسمبر کو ملک بھر میں میں یوم سیاہ منانے کا اعلان کیا ہے۔

تفصیلات کے مطابق پاکستان میڈیکل ایسوسی ایشن نے مطالبہ کیا ہے کہ پی آئی سی واقعے میں ملوث افراد پردہشت گردی ایکٹ کے تحت مقدمات قائم کیے جائیں، مضبوط جے آئی ٹی بنائی جائے جس میں آئی ایس آئی،آئی بی، پی ایم اے کے نمائندے شامل ہوں۔

پاکستان میڈیکل ایسوسی ایشن نے کہا کہ واقعے کے تمام ذمہ داران کے فوری استعفیٰ کا مطالبہ کرتے ہیں، ڈی آئی جی آپریشن، سی سی پی او لاہور وکلاء کو ریلی کی اجازت دینے پرفی الفور معطل کیا جائے۔

پی ایم اے نے مطالبہ کیا کہ ڈاکٹرز، پیرا میڈکس کی سیکیورٹی کا بل فی الفور آرڈیننس کے ذریعے نافذ العمل کیا جائے، واقعے میں جو نقصان ہوا اسے وکلاء سے پورا کیا جائے۔

پنجاب انسٹیٹیوٹ آف کارڈیالوجی میں وکلاء کی ہنگامہ آرائی، توڑ پھوڑ پر پاکستان میڈیکل ایسوسی ایشن نے 16 دسمبر کو ملک بھر میں میں یوم سیاہ منانے کا اعلان کیا ہے۔

وکلاٗٗٗ نے پنجاب انسٹی ٹیوٹ آف کارڈیالوجی پر دھاوا بول دیا

واضح رہے کہ وکلاء کی جانب سے گزشتہ روز پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔ واقعے کی اطلاع ملنے کے بعد وزیر اطلاعات پنجاب فیاض الحسن چوہان رپورٹ لینے کے لیے موقع پر پہنچے تو مشتعل وکلاء نے انہیں بھی تشدد کا نشانہ بنایا۔

fb-share-icon0
Tweet 20

Comments

comments

یہ بھی پڑھیں