پاکستان نے بنگلہ دیش کے خلاف پہلے ٹی ٹوئنٹی انٹرنیشنل میچ کے لئے 12 کھلاڑیوں کا اعلان کردیا ہے۔
پی سی بی کی جانب سے جاری پریس ریلیز کے مطابق دونوں ٹیموں کے مابین تین میچز پر مشتمل ٹی 20 سیریز کا پہلا میچ کل شیر بنگلہ کرکٹ اسٹیڈیم میں کھیلا جائے گا، میچ پاکستانی وقت کے مطابق دوپہر ایک بجے شروع ہوگا۔
اعلان کردہ اسکواڈ میں حیدر علی ، محمد نواز اور محمد وسیم کو بھی بنگلہ دیش کے خلاف پہلے ٹی 20 میچ میں موقع دیا جا رہا ہے۔
ٹیم کے دیگر کھلاڑیوں میں کپتان بابر اعظم ، وکٹ کیپر محمد رضوان ، شاہین شاہ آفریدی ، خوشدل شاہ ، فخر زمان ، حارث رؤف شعیب ملک اور حسن علی شامل ہیں ۔
واضح رہے کہ پاکستانی ٹیم دورہ بنگلہ دیش کے دوران تین ٹی 20 میچز اور دو ٹیسٹ میچز کھیلے گی ۔ ٹی 20 میچز 19، 20اور 22 نومبر کو کھیلے جائیں گے ۔
Pakistan name 12 for first T20I
More details: https://t.co/sALGCfD7vf#BANvPAK | #HarHaalMainCricket
— PCB Media (@TheRealPCBMedia) November 18, 2021
