جمیکا: ویسٹ انڈیز کے خلاف ٹیسٹ سیریز کے لیے 19 رکنی قومی اسکواڈ کا اعلان کردیا گیا۔
تفصیلات کے مطابق پاکستان اور ویسٹ انڈیز کے درمیان دو ٹیسٹ میچز کی سیریز کا پہلا میچ آج سے جمیکا میں کھیلا جائے گا، ویسٹ انڈیز کے خلاف سیریز کے لیے 19 رکنی قومی اسکواڈ کا اعلان کیا گیا ہے۔
اسکواڈ میں کپتان بابر اعظم، محمد رضوان، عبداللہ شفیق، عابد علی، اظہر علی، فہیم اشرف اور فواد عالم شامل ہیں۔
فاسٹ بولر محمد عباس، شاہین شاہ آفریدی، حسن علی، نعمان علی، یاسر شاہ، عمران بٹ، نسیم شاہ، ساجد خان، سرفراز احمد، سعود شکیل، شاہنواز دھانی اور زاہد محمود بھی اسکواڈ کا حصہ ہیں۔
Behind the scenes, visuals from Pakistan team photoshoot ahead of the two-match Test series 📸#WIvPAK | #HarHaalMainCricket | #BackTheBoysInGreen pic.twitter.com/F39QgnfsbI
— Pakistan Cricket (@TheRealPCB) August 11, 2021
ٹیم سلیکشن پر کپتان بابر اعظم کا کہنا تھا کہ ہیڈ کوچ مصباح الحق کی مشاورت سے حارث رؤف اور محمد نواز کو وطن واپس بھیجنے کا فیصلہ کیا ہے۔
بابر اعظم نے کہا کہ قومی ٹیم میزبان ویسٹ انڈیز کے خلاف عمدہ کارکردگی کا مظاہرہ کرے گی۔
انہوں نے کہا کہ رواں سال ٹیسٹ کرکٹ کم کھیلنے کو ملی ہے، ویسٹ انڈیز میں پچز میں باؤنس ہوتا ہے اور گیند سوئنگ ہوتی ہے جس سے بولرز کو مدد ملے گی۔
قومی ٹیم کے کپتان کا کہنا تھا کہ کراچی میں لگے کیمپ میں کھلاڑیوں کو کافی معلومات فراہم کی گئیں، مشتاق احمد خود بھی ویسٹ انڈیز کی ٹیم کو سمئجھتے ہیں انہوں نے گائیڈ کیا ہے۔
واضح رہے کہ پاکستان، ویسٹ انڈیز کے خلاف 21 سال سے کوئی ٹیسٹ سیریز نہیں ہارا، آخری 6 میں سے 4 سیریز شاہینوں کے نام رہی تھیں۔
