The news is by your side.

Advertisement

کثیر ملکی بحری مشق امن 21 کے خصوصی نغمے “امن کی پکار” کا پرومو جاری

کراچی : پاک بحریہ نے کثیر ملکی بحری مشق امن 21 کے خصوصی نغمے “امن کی پکار”کا پرومو جاری کردیا، نغمےمیں امن پسند ممالک کو ایک پلیٹ فارم پریکجاہونےکاپیغام دیا گیا ہے۔

تفصیلات کے مطابق پاک بحریہ کی جانب سے کثیرملکی بحری مشق امن 21کےخصوصی نغمے”امن کی پکار”کا پروموجاری کردیا گیا ، بحری مشق امن 21 کاخصوصی نغمہ اردواورانگریزی زبان کاامتزاج ہے۔

ترجمان پاک بحریہ کا کہنا ہے کہ نغمےمیں امن پسندممالک کوایک پلیٹ فارم پریکجاہونےکاپیغام دیاگیاہے، نغمہ پاک بحریہ کی امن کیلئے ہمہ وقت حاضر رہنے کےعزم کی عکاسی کرتاہے۔

ترجمان نے کہا کہ دنیا بھر کے ممالک کو خوش آمدید کہنے کوبھرپوراجاگرکرتا ہے، بحری مشق امن میں 45 ممالک شرکت کر رہے ہیں۔

یاد رہے پاک بحریہ نے کثیرالقومی مشق “امن” کا ایک پروموجاری کرتے ہوئے کہا تھا کہ پاک بحریہ کثیرالقومی بحری مشق”امن”کا انعقاد سال 2007سے کر رہی ہے ، اس مشق میں دنیا کی بحری افواج پاک بحریہ کے وضع کردہ عزم “امن کیلئے متحد” کے ساتھ شریک ہورہی ہیں۔

پاک بحریہ کے ترجمان نے مزید کہا تھا کہ مشق کے بنیادی مقاصد مشترکہ آپریشنزکی صلاحیتوں اور امن کیلئےپیشہ ورانہ مہارتوں میں اضافہ ہے۔

Comments

یہ بھی پڑھیں