اسلام آباد : وزارت خزانہ حکام کا کہنا ہے کہ پاکستان کو دوست ممالک، عالمی اداروں اور کمرشل قرض سے 10 ارب ڈالر سے زائد درکار ہے۔
تفصیلات کے مطابق وزارت خزانہ حکام کی جانب سے کہا گیا ہے کہ آئی ایم ایف معاہدے کے 3 سے 4 ہفتے بعد 1.1ارب ڈالر قسط کی منظوری دے گا، 30 جون تک زرمبادلہ ذخائر2ماہ کی درآمدات کےمساوی لانے پر اتفاق ہوگیا ہے۔
وزارت خزانہ کا کہنا تھا کہ پاکستان کو دوست ممالک، عالمی اداروں اور کمرشل قرض سے 10 ارب ڈالر سے زائد درکار ہے۔
حکام نے کہا کہ اس سال معاشی شرح نمو2فیصد ، مہنگائی 29 فیصد سے زیادہ رہنے کا تخمینہ طےہوا،پاکستان نےآئی ایم ایف کووزیراعظم کی سطح پر اصلاحات پر عملدرآمد کی گارنٹی دے دی ہے۔
وزارت خزانہ نے بتایا کہ دوست ممالک اورعالمی مالیاتی ادارے بھی موجودہ قرض پروگرام کی نگرانی کریں گے ، جون 2023 تک 2.5 ارب ڈالر ملنے کے بعد آئی ایم ایف قرض پروگرام ختم ہوجائے گا۔
حکام کا کہنا تھا کہ ضرورت ہوئی توپاکستان کونئےقرض کیلئےاگلے مالی سال نئی درخواست دینا ہوگی۔
