اسلام آباد : وزیر تجارت نوید قمر نے کہا کہ پاکستان نے روس کو بارٹر معاہدے کی پیشکش کی ہے، پاک روس بارٹرٹریڈسےڈالرسمیت غیرملکی کرنسیوں پر انحصار کم ہوگا۔

تفصیلات کے مطابق پاکستان اور روس کے درمیان بڑھتے اقتصادی تعلقات کے حوالے سے وزیرتجارت نویدقمر نے کہا کہ پاکستان نے روس کو بارٹر معاہدے کی پیشکش کی ہے۔

نوید قمر نے بتایا کہ پاکستان روس تجارتی ٹرن اوورگزشتہ موسم گرماکےبعدبڑھ گیاہے اور پاک روس دوطرفہ تجارت34 فیصدبڑھ کر760.5ملین ڈالر تک پہنچ گئی ہے جبکہ گزشتہ سال دونوں ممالک میں تجارتی حجم567.5ملین ڈالرتھا۔

روس پر امریکی پابندیوں کی وجہ سےمشکلات ہیں، پاک روس بارٹرٹریڈسےڈالرسمیت غیرملکی کرنسیوں پرانحصارکم ہوگا، ہم نے مخصوص ممالک میں کمپنیوں کیلئے بارٹرمعاہدے شروع کیے ہیں۔