The news is by your side.

Advertisement

بھارتی جاسوس کلبھوشن یادیو تک قونصلر رسائی، پاکستان کی ایک بار پھر بھارت کو پیشکش

اسلام آباد : دفتر خارجہ نے پاکستان کی جانب سے  بھارتی جاسوس کلبھوشن یادیو کو تیسری بار قونصلر رسائی دینے کا فیصلے کی تصدیق کردی اور کہا بھارت کے جواب کا انتظار ہے۔

تفصیلات کے مطابق پاکستان نے بھارتی جاسوس کلبھوشن یادیو کو ایک بارپھر قونصلر رسائی دینے کا فیصلہ کرلیا ہے، کلبھوشن یادیو کے حوالے سے یہ تیسری قونصلر رسائی ہوگی۔

پاکستانی دفتر خارجہ نے کلبھوشن یادیو کو تیسری قونصلر رسائی دینے کی تصدیق کرتے ہوئے کہا فیصلہ گزشتہ روز بھارت کی جانب سے اعتراضات اٹھانے پر کیا گیا تھا۔

ترجمان دفترخارجہ نے کہا کہ قونصلر رسائی کے حوالے سے بھارتی ہائی کمیشن کو آگاہ کردیا گیا ، تیسری قونصلر رسائی پر بھارت کے جواب کا انتظار ہے۔

گذشتہ روز پاکستان نے بھارتی جاسوس کلبھوشن یادیو کو دوسری بارقونصلر رسائی فراہم کی تھی اور کہا تھا پاکستان عالمی عدالت کے فیصلوں پر مکمل عملدرآمد کررہا ہے، بھارت سےامید ہے وہ بھی فیصلے پرپاکستان سے تعاون کرے گا۔

دفترخارجہ کے ترجمان کا کہنا تھا کہ بھارت کی درخواست پر آج دوسری قونصلر رسائی دی گئی، کلبھوشن کو پہلی قونصلررسائی 2 ستمبر 2019 کو دی گئی تھی جبکہ 25 دسمبر2017 میں کلبھوشن یادیو سے اس کی والدہ اور اہلیہ کی ملاقات کرائی گئی تھی۔

بعد ازاں وزیر خارجہ شاہ محمود قریشی نے گفتگو میں کہا تھا بھارتی سفارتکار کلبھوشن کی کوئی بات سنے بغیرچلے گئے، پاکستان کی جانب سے تمام سہولیات فراہم کرنے کے باوجود بھارتی سفارتکار بھاگ گئے، وہ کلبھوشن سےبات کرنے سے کتراتے رہے، کلبھوشن پکارتا رہا اور بھارتی سفارتکاردم دبا کر بھاگ گئے۔

Comments

یہ بھی پڑھیں